万众期待嘅《宫心计2之深宫计》好快就会系 5月21日晚系TVB翡翠台以及腾讯视频同步播出。就系15日，一众演员出嚟为新剧做势。各位主演包括马浚伟，刘心悠，胡定欣，陈炜等以及监制梅小青、三色台高层杜克之等重要人物一齐出席。
↑大合照（来自胡定欣微博）
剧集由筹备，开拍再到如今播出，都备受三色台嘅fans关注，有留意嘅朋友仔都知道剧集有两位演员都系第一次参演TVB剧集嘅，分别系刘心悠以及周秀娜。一个系大荧幕嘅常客，一个系曾经封魔一众宅男嘅性感女神，之前仲要提名埋香港电影金像奖影后，实力开始备受肯定，理应剧集宣传嘅时候要重点推介两位新电视人嘎。结果从昨日嘅宣传嚟睇，刘心悠系有啦，但点揾都系揾唔到性感女神周秀娜。最攞命嘅系，连剧集嘅布景板都无周秀娜嘅身影。
↑宣传现场布景板（来自港剧猫微博）
而就系几个月前，释出嘅剧集海报，周秀娜就企咗系海报嘅中间位置，戏份应该系仅次胡定欣刘心悠。
↑宫心计2之深宫计 剧集海报（来自马浚伟微博）
不禁令人霖起就系上年尾三色台就同萧定一嘅公司存在纷争，甚至去到打官司嘅地步，领到一众萧定一公司旗下多位艺人唔可以亮相三色台，甘啱好，周秀娜就系萧定一旗下嘅艺人。大概就系因为嚟个原因，今次周秀娜亦都无份宣传剧集。
↑周秀娜（来自宫心计2深宫计微博）
其实系拍摄嘅期间，周秀娜都同一众演员打成一片，经常会po出同同剧演员搞怪相片。
↑周秀娜（左）、胡定欣（右）（来自周秀娜微博）
↑周秀娜（左）、陈炜（右）（来自周秀娜微博）
↑胡定欣（左）、周秀娜（中）、马浚伟（右）（来自周秀娜微博）
↑黄心颖（左）、周秀娜（中）、刘心悠（右）（来自周秀娜微博）
↑梅小青（中）
就系昨晚，男主角马浚伟就系微博度po出一条关于周秀娜剧中演出嘅微博。令人更加觉得今次周秀娜无出席宣传肯定无甘简单。
↑马浚伟15日晚微博截图
睇开三色台八卦嘅朋友都知道，今次都唔系第一次发生嚟种情况。就系今年2月三色台突然攞出一部三年前拍好嘅《波士早晨》出嚟播，而女主角陈慧珊已经系隔离VIU TV做紧节目监制啦，导致宣传嘅时候一样无得出席，宣传海报仲要被消失埋。剧集仲因为甘被剪去5集，不禁令人怀疑5集嘅内容多数都系陈慧珊嘅戏份，因为宣传嘅时候，明显原本配角嘅李佳芯成为咗第一女主嘅感觉。
↑波士早晨宣传海报
不过点都好，无论几多八卦都好，只要剧集系好睇嘅，都值得去支持。下礼拜一就正式开播啦，好唔好睇，大家到时就可以知道啦！
閱讀更多 RicoBaby睇電視 的文章
