講起菊姐你會諗起邊個？
可樂君就諗起關菊英
同埋佢首 #講不出聲 講不~出聲
而今期要同大家講嘅
係另一位菊姐
《創造101》嘅王菊
佢最近風頭好勁啊
紅到全世界都「菊言菊語」
可樂君上度娘一搜
發現菊姐媒體指數爆曬表
（藍色嗰條線代表菊姐）
一時間全世界都講緊菊姐
其他101小姐姐嘅熱度都比唔上佢
只同101小姐姐對比
你可能feel唔到菊姐幾勁
可樂君再show一張圖俾你睇
感受下菊姐嘅威力
菊姐排行第3僅次於鹿晗、何炅
而家嗰D唔知道菊姐嘅人
統一被稱為「菊外人」
but
經過呢幾日嘅資訊轟炸
仲有邊個唔識菊姐啊？
點解菊姐咁紅？
大家睇101
唔係睇膚白貌美嘅小姐姐咩？
well
能夠喺咁多人之中突圍而出
當然係夠出位啦
你睇菊姐幾有臺型
D頭髮fing得幾有自信
喺一眾軟萌甜美嘅小姐姐中
佢無論造型同性格都好有辨識度
烈焰紅唇走歐美路線
喺一眾甜美系靚女中異常搶眼
佢雙眼有殺氣
好似攝石咁攝住你
原來佢啱啱畢業嘅時候
做過將近2年小學老師
上課講得最多就係
「是誰的小眼睛，還沒看老師？！」
唔怪得G咁殺食啦
老師向你使用「震懾」效果wor
就算被人狂黑
佢都淡淡定咁嘅樣
心態好到爆
仲模仿網友製作嘅表情包
無懼自黑
表現堅定從容
努力為自己爭取留低嘅機會
菊姐憑實力扭轉「菊」勢
越來越多人佩服佢嘅勇敢
fans仲越來越多
男嘅叫陶淵明
女嘅叫沈眉莊
因為佢哋都鐘意菊花
不過因為「陶淵明」大家熟D
所以都可以將菊姐嘅fans統一叫陶淵明
其實菊姐以前都生得幾sweet
仲有種清純鄰家妹妹feel
不過菊姐就唔想回到過去
佢知道而家自己想要乜嘢
亦清楚自己追求嘅美係點樣
唔care人哋嘅目光
如今個個都話要pick菊姐
300幾萬票數
可以話有絕對優勢
菊姐雖然黑D壯D
但佢用自己嘅方式
向大家show出佢嘅魅力
可樂君都想pick一下
你有冇興趣做「陶淵明」？
閱讀更多 可樂生活color 的文章
