讲起菊姐你会谂起边个？
可乐君就谂起关菊英
同埋佢首 #讲不出声 讲不~出声
而今期要同大家讲嘅
係另一位菊姐
《创造101》嘅王菊
佢最近风头好劲啊
红到全世界都「菊言菊语」
可乐君上度娘一搜
发现菊姐媒体指数爆晒表
（蓝色嗰条线代表菊姐）
一时间全世界都讲紧菊姐
其他101小姐姐嘅热度都比唔上佢
只同101小姐姐对比
你可能feel唔到菊姐几劲
可乐君再show一张图俾你睇
感受下菊姐嘅威力
菊姐排行第3仅次于鹿晗、何炅
而家嗰D唔知道菊姐嘅人
统一被称为「菊外人」
but
经过呢几日嘅资讯轰炸
仲有边个唔识菊姐啊？
点解菊姐咁红？
大家睇101
唔係睇肤白貌美嘅小姐姐咩？
well
能够喺咁多人之中突围而出
当然係够出位啦
你睇菊姐几有台型
D头发fing得几有自信
喺一众软萌甜美嘅小姐姐中
佢无论造型同性格都好有辨识度
烈焰红唇走欧美路线
喺一众甜美系靓女中异常抢眼
佢双眼有杀气
好似摄石咁摄住你
原来佢啱啱毕业嘅时候
做过将近2年小学老师
上课讲得最多就係
「是谁的小眼睛，还没看老师？！」
唔怪得G咁杀食啦
老师向你使用「震慑」效果wor
就算被人狂黑
佢都淡淡定咁嘅样
心态好到爆
仲模仿网友制作嘅表情包
无惧自黑
表现坚定从容
努力为自己争取留低嘅机会
菊姐凭实力扭转「菊」势
越来越多人佩服佢嘅勇敢
fans仲越来越多
男嘅叫陶渊明
女嘅叫沈眉庄
因为佢哋都钟意菊花
不过因为「陶渊明」大家熟D
所以都可以将菊姐嘅fans统一叫陶渊明
其实菊姐以前都生得几sweet
仲有种清纯邻家妹妹feel
不过菊姐就唔想回到过去
佢知道而家自己想要乜嘢
亦清楚自己追求嘅美係点样
唔care人哋嘅目光
如今个个都话要pick菊姐
300几万票数
可以话有绝对优势
菊姐虽然黑D壮D
但佢用自己嘅方式
向大家show出佢嘅魅力
可乐君都想pick一下
你有冇兴趣做「陶渊明」？
閱讀更多 可樂生活color 的文章
