新劇《C9特工》近日進行拜神儀式。男主角馬國明穿上背心、掛上圍裙，一看就覺是《國產凌凌漆》豬肉佬，但原來他不斬豬肉，只賣菜。
相對，另一男主角黎諾懿則官仔骨骨相當有型地扮演一個特工，難怪馬國明有意見：“你睇黎諾懿一身造型就知公司將最靚最有型嗰啲俾曬佢著，我呢啲就著最便宜戲服，我一拍埋去就輸啦。”
繼《甜言蜜語》（2008年拍畢）後，黎諾懿與馬國明終於再有機會合作。
對此，前者坦言期待了很久：“今次真繫好開心，對上一部劇同馬明合作已經事隔10年，今次接呢部劇最大原因真繫馬國明，因為我真系想同佢開工好耐，但一直都無咁嘅機會。雖然話大家同一間公司，但真系要遇見嘅話都要等10年。”
黎諾懿說得如此情深意真，但馬國明竟然選擇對黎諾懿避之則吉：“其實我係有避你嘅，因為我驚咗你神一般的男人，又驚搞到自己無得撈。（你都傻傻地，咪聽佢亂講。）”
二人除了在《C9特工》合作外，黎諾懿還希望可以在《降魔的2》繼續合作。
他說：“我會向《降魔的2》監製伸請呀，我真繫好想做馬國明只精靈。（你要問下胡鴻鈞得唔得喎，唔系佢到時無得撈。）有一對精靈都得架啫，而且我要射箭。”
黎諾懿要射箭，豈不搶了胡鴻鈞的武器？那他還有什麼可以射？“佢上次佢射咗箭，唔好成日射箭啦，好多嘢可以射架，今次射第二啲嘢，留返啲箭俾我射。”
該劇的女主角是高海寧 (高ling)。呢套是高ling首套拍攝的動作劇，她說：“開工無幾日就要打喇，仲要一嚟就受傷，不過我覺得今次受傷令我因禍得福，學識咗點保護自己，早啲發生繫好事嚟。
高ling又被同劇的黎諾懿改了“豆腐ling”呢個花名，她說：“因為我成日撞到瘀曬，佢話我一撞就散。”
相比起在劇中經常要打的高ling，飾演高ling老公的馬明就舒服得多。馬明表示：“我賣菜嘅，無難度，同埋賣菜只系包裝，唔系咁多街市場口戲。套劇系講我唔知個老婆原來系特工，咁正常梗系接受唔到啦，估唔到老婆會呃自己，於是引發起一連串嘅事，講親情，都有唔少感動位。”
黎諾是《C9特工》的男主角之一，他表示自己在劇中飾演一個猛料特工，所拍的戲幾乎是全外景。
諾懿說：“我嘅戲有9成以上都系外景拍攝，去啲荒山野嶺同出海拍，尋日我哋去咗一個叫蛇頭村嘅地方，一打開道門估計有成二百蚊喺度，就算噴蚊怕水都無用，我諗要噴殺蟲水先得。我哋用個大筒點咗千幾支香嚟驅蚊先頂得住。由於被煙燻咗成日，我返到屋企第一件事就係沖涼，因為屋企有BB。其實拍咗大半個月，我日日收工都系溼曬咁回家，所以都系即刻沖涼先掂BB。”
他又謂自己拍動作戲不能告知太太：“佢一知道就會系咁哦我，話我依家一家大細呀，有咩事點算。我之前拍咗一場吊威也上三層樓嘅戲都有呃住老婆，我本身有畏高，點知畀我助手篤爆咗，老婆知道咗又哦我，問我做咩唔用替身。我會好小心㗎喇，老婆你放心啦。”
他笑言報道出街後要有排同老婆解釋。
已育有一子的諾懿一直想追個女，問到劇接劇的他豈非無時間造人，他說：“愈忙就愈好，會易啲生女。我睇咗好多生女嘅方法，有研究話男人個身體愈攰愈虛就愈容易生女，所以我身體要有咁虛得虛，希望可以生個豬女 (出年豬年)，不過如果又系生仔都唔會再追，兩個夠曬數，最理想系生一對小朋友等佢哋第時長大後可以互相照應。”
閱讀更多 埋堆堆官方 的文章
