上半年香港娱乐圈发生咗唔少事，当中有开心，亦都有唔开心，今日我哋就同大家嚟一个大事回顾啦！
阿娇结婚
37岁嘅锺欣潼（阿娇）同年龄细4岁嘅台湾「医界王阳明」赖弘国（Michael）拍拖半年，男方向阿娇求婚成功，二人喺香港时间5月26日与洛杉矶结婚，正式升呢成为人妻。阿娇圈中好姊妹「龙虎蛇」容祖儿（Joey）、蔡卓妍（阿Sa）及郑希怡（Yumiko）更做姊妹陪住佢出嫁。由于呢个系Pre Wedding Party，所以冇签字仪式，不过据知佢哋计划年底喺香港补摆婚宴嘅时候，就会正式签纸注册，真系恭喜晒佢哋呀！
林峯吴千语分手
39岁林峯同27岁吴千语拍拖7年，期间林峯更发表「7爱宣言」，不过喺上年开始就不断传出分手消息。喺3月嘅时候，佢哋分别承认已经结束5年情。林峯喺出席活动嘅时候话佢哋系和平分手，希望大家畀空间佢哋。而吴千语就喺社交网站承认二人分手消息。分手后，佢哋除咗忙于工作之外，感情生活亦都各自各精彩，林峯就被影到与内地内衣模特儿张馨月去主题公园，而吴千语就被传与前全国政协及地产商施子清嘅孙、28岁百亿富三代施伯雄搭上。「峯语恋」正式划上句号。
才女林燕妮离世
有「香江才女」之称嘅着名作家林燕妮喺6月3日因肺癌于养和医院离世，享年75岁。据悉，林燕妮与16年患上肺癌，曾接受化疗，但后来因身体愈来愈衰弱，最终不敌癌魔。林燕妮有3个弟妹，但都因患癌而先后离世。今个月26日于香港殡仪馆设灵，唔少圈中好友，例如马浚伟、冯宝宝、郑秀文、俞琤、刘兆铭及陶杰等都有到场致祭，送才女最后一程。
黄子华栋笃笑黄牛党
「子华神」黄子华早前宣布将于7月举行最后一次栋笃笑
分享到:
閱讀更多 八卦姨 的文章
