造人三年终成功！王祖蓝及太太李亚男晒超声波相报喜，宣布有喜。
李亚男在社交网上载超声波照，又加上「Love you」及心心图案，明显心情兴奋，并写道：「今天是我们拍拖9周年纪念日，很兴奋感恩可以在这个特别的日子 宣布我和祖蓝将迎接一个新生命嘅来临，so blessed to have a new life in our family ❤Happy 9th anniversary !」
叫人开盘买BB高度似边个
对于结婚三年多终荣升爹哋，祖蓝笑谓：「首先好感恩啦，可以喺拍拖九周年纪念日去宣布呢件事，我哋拍拖嗰时系2009年，咁啱9年后有个小朋友，咁希望所有嘢都可以长长久久啦。亦都好感谢上帝，帮我哋安排晒所有嘢都喺计划入面进行，之前应承过Leanne（李亚男）搬出嚟二人世界之后，过两年左右先有小朋友，依家真系实现到，真系好感恩。」
祖蓝又笑谓其公司十分旺丁：「我哋先后有两个员工有咗，依家计埋我老婆就三个人，咁如果想生B，入嚟我公司做啦！」祖蓝更叮嘱大家帮忙「睇住」老婆，尽显「暖蓝」本色：「做妈妈真系好辛苦，佢为BB付出咗好多，又睇书啦、又改变自己饮食习惯啦，又好紧张去预备好多嘢啦，所以麻烦大家照顾吓佢。」祖蓝亦不忘搞笑本色谓：「大家最近除咗睇法国定克罗地亚赢呢？我建议开多个盘，就系究意将来BB嘅高度系会似我定似阿妈呢？相信都几啱用嚟打牙骹战。」
为BB戒咖啡
向来十分喜欢小朋友的李亚男则表示：「好开心终于做妈妈喇，第一时间知道嗰阵真系好惊喜，同埋有啲唔敢相信。因为我哋虽然系Plan今年做爹哋妈咪，但冇谂过咁快就实现到，真系好感恩。其实仔定女我都冇所谓，因为我都会好锺意。最紧要系BB嘅成长过程够健康，同埋佢嘅成长够开心快乐。」李亚男又谓已向「Amazing Esther」一众好姊妹分享喜悦：「我有向Linda（钟嘉欣）同宋熙年取经，问定佢哋有咩嘢唔食得，同埋可唔可以做运动，真系好多好多问题想问，始终自己冇经验。」
她又谓为了BB着想，已对十分喜欢的食物尽量Say no：「我食少咗好多甜品，同埋饮少咗好多咖啡，我以前可以一日饮几杯！虽然呢啲都只系好小嘅事，但已令我体会到做妈妈系需要付出好多嘅爱。」李亚男又承诺现阶段会好好Take care自己，多点休息，果然为升呢妈咪做足准备。
閱讀更多 帥氣小美眉 的文章
