「Sorry，有钱真系大晒，不过我谂佢唔会明呢个意境。」这句在TVB剧集《读心神探》第17集里面的对白，原来不止香港观众，连内地网民对这句对白一点都不陌生。最近大陆一间游戏公司就邀请郑子诚和梁健平去到上海拍广告，重现经典。
梁建平、郑子诚一齐被邀到上海拍手游广告，重现《读心神探》造型。
郑子诚的「奸样」加上这句「抱歉，有钱是真的能为所欲为的」的截图，简直风靡网络世界。网上更加有解释这张截图的正确用法，包括：当看到有钱的个人或组织为所欲为时、当看到有钱任性的言论或行为时，同官方推出的破坏游戏平衡的新角色或卡牌等，相当趣怪。
郑子诚其实凭靓声及演绎奸角出神入化而一直备受香港网民欣赏，但这次红到内地，连郑子诚都说意想不到，他接受访问时，说：「今次系完全冇预计到，会突然之间唔知点解会喺内地红起上嚟，甚至乎我一直都不知情，直至到好几个月之前，有一次我喺街上面拍紧外景，咁突然间有一对内地嘅朋友旅行，话想同我影相，咁我都几惊讶，『点解你会识得我嘅呢？』咁佢就同我讲『你知唔知你嘅表情包喺内地好红呀？有钱就可以为所欲为呀，呢一句说话。』咁我先开始慢慢去睇返，究竟咩事情发生。首先知道7年前《读心神探》呢套剧里面，其中一场戏嘅其中一句说话就系『有钱可以为所欲为』，突然之间唔知点解会喺内地红起上嚟，就好多人都用呢一个嘅表情包。咁今次返上海，其实就系帮内地一个颇大嘅手游（手机游戏）公司，就食住我同健平（梁健平）嘅呢条片，就同佢一齐拍广告嘅。咁至于内地嘅影迷热唔热情呢，其实我就唔系太知喇，今次拍摄嘅过程都几紧凑，我的一落机就做采访，跟著就第日已经要开工，一拍拍成日，拍完之后就走喇。咁所以我基本上全部都喺室内进行，好少接触到外边嘅人，至于会唔会返内地发展，呢个就完全唔系我的控制得到嘅事嚟嘅，咁嘛暂时就冇呢个计划啦，因为我的做演员永远都系被动嘅东西嚟嘅，但系有机会开拓自己，喺内地嘅一啲知名度同埋时常呢，都系一件好事嚟嘅，不过最重要嘅一样野，就系我要好积极地要学习返嗰啲普通话喇，因为我啲普通话真系非常之普通嘅。」
閱讀更多 有火VIVA 的文章
