文：筆華棋
论「孤寒」同「度缩」，印度人同犹太人必定係世界之冠，去过美国读书嘅小弟最清楚。好记得有几位印度同学仔，每次去麦当奴都会攞好多包茄汁，一返到房，即刻逐包逐包咁唧返落樽茄汁度 …… 最令人叹为观止嘅係，支茄汁其实都係饭堂偷返嚟嘅！
有条犹太仔仲犀利，成日话唔识功课，借啲意嚟我间房一齐温书。每次温亲书都会话肚饿 、口渴，前前后后都唔知食咗我几多个杯麵 、叮饭，悭咗唔知几多餐。都唔紧要，最无攞命係次次顺便问吓我有冇嘢唔要，畀完佢，原来转个头卖返畀其他同学。
点解我会知？因为有次同佢买本教科书，一打开，仆你个街，上面大大隻字写住「Shun Nakamura」，原来又有位日本同学仔被骗了。
我一直觉得，呢两个民族啲数口已经精到无得再精，直到我遇到 Captain Koo 。
Captain Koo 并非一位机师，相貌亦绝对同张智霖扯唔上任何关系，之不过係佢度缩到一个位，大家都开始叫佢「孤鸠寒」，Captain Koo 呢个绰号亦因而诞生。
Captain Koo 祖籍上海，一路都听闻过上海仔啲数辣，不过未正式交过手；直到喺 Captain 身上，我先肯定上海人嘅实力。
Captain 大小事都计到尽，试过同女朋友去旅行，要用 Excel 记低每样买过嘅嘢，连一杯雪糕嘅点数位都要计！又试过同女朋友交换圣诞礼物，点知发现自己嗰份贵$200，走去问人攞返$100。
不过，最厉害一定要数佢点识佢老婆。
话说 Captain 家住旧山顶道帝景园，而屋企人一早亦都买咗间晓峰阁畀佢，等佢第时结婚用。不过，半山车位要成五球嘢一个，佢知道如果第时要搬，就一定要租多个车位，大约三千几，呢啲「小数目」对于 Captain 嚟讲简直心如刀割！于是乎，佢谂到一条计：就係每个周末夜晚，喺晓峰阁大堂等啲醉猫返屋企。
凭住扮邻居，最终 Captain 媾到几条女，不过先后因为原来只係租客 、屋企无多余车位而分手收场。最后，佢终于认识到一位美女叫 Alice ，独居，自有物业，仲要有个无人用嘅车位。好快，两个人就去到谈婚论嫁地步，Captain 竟敢大胆提出结婚后住喺女仔度，甚至连自己喺晓峰阁有个单位都无讲！个女仔又居然无所谓，仲唔使佢交租㖭！
原本只不过係为咗悭车位租，而媾同大厦住客，最尾竟然演变成自己层楼有得放租之余，仲有层同级免费豪宅连车位！啲数咁辣，唔知会唔会叫老婆做埋宾妹呢？
自从 Captain 同 Alice 结咗婚，我再唔敢同上海人有任何钱银瓜葛。
- END -
閱讀更多 至強汽車情報站 的文章
