難過的父親節
可惜，幼女詠嵐去年十二月突然失蹤，數天後被發現離奇浮屍青衣碼頭海面。警方其後拘捕她的二十歲男友林嘉偉，懷疑他與案件有關。被告原被控一項誤殺罪，今年四月被改控謀殺罪，案件正排期審訊。
這個父親節，盲亨坦言很難受
「以往嘅父親節，我都有三名子女，兩子一女，依家少左一個女，覺得欠缺左啲野，覺得好傷感難過。」經歷喪女之痛，眼前的盲亨顯得一臉憔悴。他說家中的電視機，每天不停播放女兒的照片。而朋友亦造了一個印有女兒照片的人形攬枕送給他，作為父親節禮物。
過了半年，盲亨說仍未接受女兒離世的事實，愈來愈痛。「每一天個女都喺我腦海中出現，今時今日都無法忘記呢件事。心情好差，精神都差左好多，瞓唔到覺，每日想住個女。有時諗嚇諗嚇，真系想跟埋個女去。」訪問地點就在女兒墮海的青衣碼頭，他望著大海，雙眼泛出片片淚光。
最疼錫幼女
盲亨女兒墮海，其後警方到現場重組案情，大批警員在場戒備。
三名子女中，盲亨不諱言最疼錫詠嵐，因為她的頸椎先天有問題，「我覺得佢比其他小孩子較慘，因為佢做過幾年手術，捱唔少皮肉痛苦，我覺得應該俾多一點佢，彌補上天對佢嘅唔公平。」女兒甫出世便有缺陷，但盲亨從沒怨天，「上天註定俾我呢份禮物（女兒），就算唔好我都要接受。」他慶幸，女兒也能樂觀面對。
回想女兒當日失蹤情景，盲亨還是歷歷在目，「嗰晚我去港島區參加個仔畢業禮，當時已不斷拍照 WhatsApp俾個女，畢業禮完左亦一直聯絡佢，但佢一直無回應。」那幾天，盲亨好像發了瘋似的，失去江湖大佬的惡男形象，到處乞求人給消息，託人上網尋女，他尋遍元朗屯門每個角落打探消息，希望能找回女兒，「搵左三日，每天下午兩點起來，一直搵到凌晨四點幾，之後到黃金海岸，買罐飲品，坐下來想想有無其他辦法，檢討有無邊個地方遺漏左。」
這些不是回憶，是每日不斷重複的折磨。
警方來電打定輸數
這半年來，盲亨經常獨自跑到青衣碼頭拜祭亡女，隔著時空跟她聊天。
盲亨肯定，女兒是和某人在一起，「我亦有派人四處搵佢嘅朋友。兩日後，就有消息話有人墮海，被送到醫院。」當時盲亨已感不安，其後真的接到警方電話，「差人話喺青衣碼頭撈起一具浮屍，同我個女特徵相似。其實嗰刻我個心已死，因為警方能夠搵我，已好大機會。」
翌日去到殮房，確認真的是女兒，盲亨情緒差點崩潰，「去到認到系我個女，嗰刻我激動得大力拍殮房玻璃，警察就叫我冷靜一點。其實我已經好冷靜，我仲未發癲。」最不想出現的一幕，終於發生了。
閱讀更多 娛樂大風暴 的文章
