【瀕危世界遺產】人生Bucket List裡總會列有幾個必睇慨「世界文化遺產」，但系唔少listing都系得個睇字，諗住終有一日一定會去到慨⋯⋯再拖落去可能就冇得睇喇！隨住遊客品德每況愈下、國家內戰，再加上地球環境變化，好多世界文化遺產都已被列入「瀕危世界遺產」！以下呢4個熱門觀光地都現有危機，想睇慨就唔好再拖啦！
4大熱門瀕危世界遺產
1｜威尼斯
有「水都」之稱慨威尼斯，系一個半海半陸地慨城市，基督教與伊斯蘭教、中世紀與近世共融，擁有其他都市無法見到慨獨特面貌，有著「亞得里亞海女王」慨美稱。
「水都」威尼斯。
但繫上個月29號，因大浪同強風而令威尼斯大規模水浸。聖馬可廣場變身成湖泊、歷史建築物・聖馬可大教堂慨大理石地亦被水浸沒。雖然水浸唔算少見，但水位升至156cm，城鎮70%以上面積浸滿水就實屬罕見。全球暖化導致水位上升，繼而令”地盤下沉”系其中一個原因。
如果狀況持續，威尼斯將有機會逐漸下沉，分分鐘有變成「現代版亞特蘭提斯」慨危機！
7成地方水浸慨威尼斯，未來可能會成為「現代版亞特蘭提斯」？！
2｜維也納歷史中心
最具象徵性慨哥德式建築・聖史提芬大教堂、展露著奧地利，哈布斯堡王朝慨榮華慨霍夫堡皇宮，直至現時都能充分展現著歐洲900年曆史慨美麗街道。
「音樂之都」維也納都陷入人為環境危機！
有「音樂之都」慨維也納亦被列入「危機遺產」之中！原因繫有被高層建築物破壞景觀慨危險，而且系整個「維也納歷史地區」。雖然興建高樓大廈仍只屬於計劃階段，但據說規劃地為維也納河流經慨，人民公園南方位置約6,500平方米慨土地。
與歷史地區風格、景觀相違慨現代高樓大廈，恐怕以後落成時先去造訪維也納，就會顯得冇咁宏偉氣派了。
高樓大廈慨落成，好大機會影響維也納歷史地區慨景觀！
3｜玻利維亞
以「死前必去一次慨絕景地」而聲名大噪慨玻利維亞・烏尤尼鹽沼（天空之鏡），現正面臨深刻慨垃圾問題。每日要清理慨垃圾達至約120噸，以一個25米標準泳池嚟換算慨話，有整整兩個泳池！
玻利維亞天空之鏡系唔少人心目中慨人生Bucket List之一。
由大量觀光客帶來慨種種垃圾，不但嚴重破壞「天空之鏡」慨自然景觀，而且大量垃圾入侵地下水道，導致倚靠地下口生活慨原住民，以及家畜慨健康受到嚴重影響。觀光巴士慨泥土更造成汙染，令道路地面變成啡色。
據說為咗挽救環境，會導入將塑膠垃圾分解變成石油慨，小型油化裝置，舉行保護自然環境相關慨啟發活動。
大量垃圾不僅影響景觀，甚至危害當地居民、家畜的身體健康！
4｜廣島縣嚴島神社
日本著名世界遺產，位於廣島縣・嚴島神社中慨海上大鳥居，亦因眾多觀光客慨一個行動，而出現倒塌危機！
廣島縣嚴島神社慨海上大鳥居，系日本引以為傲慨世界文化遺產。
有傳聞話成功將日本硬幣挾到鳥居兩邊慨柱上，就會有好運降臨，於是為數不少慨觀光客都仿效呢個做法，不停將硬幣挾進鳥居慨大柱裡面。
位於海上慨大鳥居，本來就被海水快速侵蝕緊，觀光客慨「塞銀仔」行動亦導致鳥居裂痕加深，令大鳥居浮現出倒塌危機。
大量觀光客趁潮退時走近鳥居，往鳥居慨裂痕中塞入硬幣！令鳥居所受慨破壞更加嚴重！
旅行雖然系一件開心事，但想留下美好回憶、做啲特別事絕非破壞環境慨理由，出遊緊記愛惜環境呀！
閱讀更多 遨遊狗 的文章
