贵为厦门首富之子的艺人林峯自同吴千语分手后，同内地模特儿张馨月拍拖，但佢一改过往作风，低调护爱苗！
虽然平时林峯唔肯讲同张馨月有几好，但就不时被读者撞破佢两个孖公仔，之前更喺内地出席张馨月细佬婚礼，睇嚟都已经见晒家长！
今日又有读者爆料，指林峯今日带埋“未婚妻”张馨月同成班亲戚返石狮祭祖，两人都着到红当当，胸前仲有个彩球，似足预演婚礼！
而张馨月亦好识做，企喺林峯隔篱傍实，林峯除咗介绍佢畀亲戚好友认识之外，仲尽显母爱同BB倾偈，之后仲齐齐化宝，实行学定点做林家新抱！
另外，林峯亦有在社交网交待此行，上载了两张亲友大合照外，更发文：“今天才得知原来林氏宗亲当中，已经有人叫我太叔公了，难怪会觉得发际线（发线）上去了。”
分享到:
閱讀更多 港劇情懷 的文章
