演员#陈滢#与#赖慰玲#在将军澳电视城为剧集《廉政行动2019》试造型，讲到两人的好姊妹陈凯琳将与郑嘉颖拉埋天窗，但因印尼发生地震，有传原本在峇里举行的婚礼改为到布吉，将会与老公出席婚礼的赖慰玲就继续对地点保密。
她说：“佢哋都未公布地点，都知道佢哋婚礼想低调进行，所以详情都系由佢哋公布。（照原定去峇里惊唔惊地震？）佢哋去边度，我哋都会跟住去，去送上最大嘅祝福。”她透露未能带儿子出席契妈婚礼，因儿子未有护照。陈滢则表示未能出席陈凯琳的婚礼，但会送上自己设计的首饰作贺礼。
而问到可有担心拍剧与陈家乐传绯闻？陈滢说：“我都有睇《逆缘》，佢做得好好，唔会传绯闻，因为ICAC嘅剧冇感情线、冇咀戏，好正经，好开心可以拍咁正气嘅角色。（大家都单身有冇发展机会？）应该唔会，冇乜机会，大家都好忙。”
虽然陈滢口里说不，但却越讲越害羞，不停抺汗，十分搞笑！她又指会靠赖慰玲为她挡绯闻，但赖慰玲则说：“点解要我帮你挡，你喺时候拍拖！”陈滢笑说：“我系时候拍拖，但系我咁样讲出嚟好似好猴擒咁，就算搵男朋友都唔会喺工作时间搵。（陈家乐系咪喜欢类型？）未认识呀，第二次见。”
分享到:
閱讀更多 港劇情懷 的文章
