明年便入行25年的潮妈陈慧琳(Kelly)，一直吸金力强，早前被揭爱扫中环、尖沙咀一带铺位，令她身家暴涨成为「隐形铺后」，加埋富贵老公刘建浩（Alex），手上持有的15个商厦写字楼单位，两公婆加埋持货超过20个物业，生活早就唔使忧。不过，有投资军师背后教路，Kelly又长做长有，近日见楼市再畅旺，蠢蠢欲动有意再扫货，日前约同经理人锺珍在跑马地路过地产，对一个5,600万豪宅似乎情有独锺，驻足良久研究，似乎有意再入市！
陈慧琳从不揸现金
万千宠爱的陈慧琳，除咗有个开珠宝店的富贵父亲陈崇伟背后撑腰，事业更从未失手，吸金力强的她，早年已交由父亲帮手投资买砖头保值，近期更主攻商铺，不过Kelly不爱出名，会以亲友名义或海外公司入市，低调做「隐形铺 后」。据知情者透露：「入行冇耐， Kelly好快已经搵到钱，有阿爸教路，一路都 有投资买物业、基金同股票，从来都唔会揸现金，咁多年买落唔少货，近年佢仲 睇中商铺升值潜力高，一赚到钱就会买，不过佢唔会自己出面，通常都系交畀阿 爸同阿叔或者经理人去睇楼，佢好低调，所以一路都冇畀人发现！」
接管制衣生意
早是「隐形铺后」的Kelly ，老公刘建浩（Alex）一样家底丰厚，近年Alex接 管家族制衣生意，自己还投资开丝花厂、儿童家具，单是位于葵涌的公司就自置 有15个写字楼单位，夫妻持货量惊人，Kelly受访时就曾透露：「买嘅物业将来都会留畀两个仔，自己一定唔会偏心！」日前，Kelly同经理人锺珍工作完毕，联同合作伙伴著名造型师陈顾方及美指 奚仲文，到跑马地莲园开餐，倾偈开会个几钟，之后Kelly同锺珍及助手，一齐 行去睇地产，似乎有意欲再入市，更在一间地产铺头外驻足睇到入晒神，期间她 们就睇中位于黄泥涌峡道一个2,000呎豪宅，业主叫价5,600万，锺珍更实时用手 机记低经纪联络电话，估计是帮Kelly 安排睇楼，有米天后入货毫不手软！
陈慧琳零架子
一鸣惊人、一步登天容易，靓足、红足廿几年、廿几年都系咁得粉丝爱戴就真系唔容易，除咗要声色艺俱全，仲要二十年如一日，冇架子又窝心，抵班粉丝锡至得！讲紧系天后陈慧琳，虽然Kelly生咗两个宝贝仔，不过都冇忘记班歌迷，继续开骚出碟，但当然冇以前咁廿四小时贡献畀乐坛，唔会以前咁日日见大家，所以早排佢去到电台宣传新歌接受访问，就有班渴咗佢好耐嘅Fans去到现场等佢车、支持偶像。
閱讀更多 娛樂知上 的文章
