9月6日喺北海道举行森林婚礼嘅新婚夫妇曾国祥、王敏奕，呢日齐齐现身中环，戴住渔夫帽白衫白裤加外套嘅曾太，边行边同食紧电子烟嘅老公吹水，两个急步行，咁赶究竟去边呢？
仲记得两个月前，曾国祥同王敏奕喺北海道举行森林婚礼，放晒烟花劲浪漫。时间过得好快，话咁快就新婚咗两个月，呢日喺中环见到曾太同曾生，两个急步咁行，好似好赶咁。
曾太边行边同老公讲嘢，不过曾国祥冇乜出声，只係点吓头，大家唔好误会佢冷淡对老婆呀，实情係佢忙住食电子烟，个口唔得閒。
行得咁急，原来赶住入万邦行睇医生，唔通曾太咁快有喜？等老婆睇医生期间，曾国祥忍唔住又落楼食电子烟，烟瘾几大吓喎！终于睇完齐齐落楼，曾国祥有事行先，好彩有工人姐姐陪曾太离开，手上仲拎住啱啱睇完医生嘅袋。
MEDHEALTH，冇妇科睇嘅，即係曾太唔係有喜，只係去照磁力共振，唔怪得曾国祥唔陪老婆拎车啦！
分享到:
閱讀更多 娛聞樂HK 的文章
