呢位网友原本以为买左成套先锋嘅器材,可以唔洗点set,只需要驳好所有器材就可以发挥出唔错嘅效果。点知事与愿违,出来嘅效果比想像中还要差,连阿雄嘅太座都话"电视机出嘅声好似仲好过套AV器材出喎"。正当阿雄垂头丧气之际,发现Hiendy嘅AV急症室有出诊服务,所以就上网登记,希望我的一众黄绿医师可以出诊到佢府上帮手调教器材,医治一下佢嘅"器材依赖症"。
先睇睇阿雄嘅器材
调校前,当然系先试器材原先的 表现啦!由于屋主比较熟悉"杀神特工",所以我的先用这个试。
改善中置
先选择汽车追逐一段。片段开首,安祖连娜喺超市同收银员对话时,声音混浊,有不清晰嘅情况,主要原因系中置摆放得太入,令喇叭单元发声时向下扩散嘅声音第一时间打到玻璃柜面再反射出嚟,形成第二度声音传至皇帝位,所以有声音混浊嘅情况。另外;中置指向角度太低,无直接指向皇帝位,呢个亦系人声唔清晰嘅原因。最后;再将喇叭网拆落嚟试听,OK搞掂!所有问题迎刃而解。
原本中置的摆放位置
更改后的摆放位置
为提高中置角度可以射向皇帝位,将原先全细钉改以两前大钉及一后细钉的方式摆放
改善后置
由于太座唔喜欢后置喇叭上牆,所以屋主喺梳化后面订造一个贮物柜,用嚟摆放后置喇叭
后置原本摆放方式,喇叭的一面射向前置,而另一面则向内射
由于屋主使用嘅后置喇叭系两面发声设计,原本摆放方式会牺牲左向后面空间扩散嘅功用,所以将喇叭转成现有摆位增强后面包围感
解决喇叭嘅摆位之后,先睇睇AV扩音机内的原厂设定。
屋主果然无讲大话,所有距离、音压同埋分频点都系原厂设定。
调声
耳鼻喉科主诊医师大蛇明左手执测音表,右手拿摇控,细心地帮屋主调教各声道音压。
用Memory 6调教以便分出调教前后嘅分别
屋主所患嘅"器材依赖症"经由三位医师出手后已经病癒,相信要到再换器材嘅时候先会复发。不过;主诊医师百事佬今次破例,喺无亲身断症嘅情况下,开出药方畀屋主太座。太座所患嘅系畏高症,系害怕物件挂在高空。服药后可减低担忧,批淮屋主将后置喇叭搬到饭枱两边侧牆离地安装...
閱讀更多 LEOwhale雷鯨 的文章