洪永城（Tony）与汤洛雯（靓汤）昨日为剧集《丫鬟大联盟》宣传，提到拍档黄心颖，靓汤称：“之前有太多新闻，唔想呢个时候畀太多讯息佢，畀啲空间佢。”Tony指心颖有在群组祝大家新年快乐及希望剧集首播有好成绩。讲到他有两剧正在播出，问会否怕观众看厌？他笑言不怕，因为自己很多元化：“我有好多唔同性格，而且每套剧都唔同年代，身边嘅拍档又唔同。（怕观众睇厌定怕女友厌多啲？）女友想见多啲。呢个时候要宣传剧集，同观众见面重要啲。”
另外，Tony大赞汤靓在剧里剧外都是好丫鬟，因为她经常会帮手相约演员聚会，又指她是好老婆人选，汤靓大爆：“佢成日问我有冇拍拖，我梗系话冇，佢话谂吓有冇人介绍，其实佢唔系第一个人话介绍男仔畀我识，好似刘思希同谭俊彦。（最后有冇介绍？）冇，因为我唔出街。”Tony笑言自己的同性朋友都不喜欢出街，汤靓闻言说：“咁大家喺各自屋企face time啦！”
Tony称有努力为对方物色对象，又搞烂gag指靓汤欠缺的是“靓汤唔识煲靓汤”，靓汤即反击指自己叻煲汤。靓汤表示近日做节目，堪舆学家指她红鸾星动，她无奈地说：“其实年年都话我红鸾星动，从来唔会话我冇桃花，今年仲话我有喜事，不过我想专注工作先，我唔急。”
刘思希现身剧集《丫鬟大联盟》的宣传，思希在剧中向谢东闵飞擒大咬，非常猴擒，她笑言：“呢两集好惊，拍摄时候唔觉得自己咁尽，睇嘅时候先发觉原来自己咁放，好开心观众好锺意，觉得咸湿小姐几可爱。（你本人系咪咁咸湿？）咸湿系人嘅本能，唔多唔少都有，但我冇个角色咁尽，我个角色之后会去得再尽啲。”
问她若遇到心仪男生会否主动出击，思希坦言这个年代一定要主动，否则会没有男友：“至于使唔使好似我个角色咁尽就睇情况，如果系差埋门一脚就要。不过我从来未试过倒追男仔，最猴擒我都只系会约对方，但我都约得好矜持，我只会传短讯问对方：‘你在干什么？’，呢个已经好主动，我希望佢会识做约我出嚟，但好多时对方都唔识做，只会话玩紧电话。（你要改变策略？）我应该改为发：‘你想吃甚么？’我朋友话如果好似我个角色咁，应该好快搵到男友，我都要向自己个角色多多学习。”
閱讀更多 TVB部落 的文章
