週一例會，討論咗一個好深奧嘅問題：點解系
「冇眼屎乾淨盲」，而唔系「冇眼屎乾淨明」？冇眼屎，睇嘢唔系應該更加清楚咩？
今日就同大家講一講，一啲容易令人產生誤解嘅俗語、同一啲容易讀錯嘅字詞！
俗話講「冇眼屎乾淨盲」，字面意思好奇怪：抹咗眼屎，眼就會變得乾淨，但點解仲會“盲”？
實際上，呢句俗語其實系：與其被眼屎遮住視線，倒不如做個“冇眼屎、乾淨嘅盲人”，意思就係“眼不見為淨”。
出差旅行，都唔少得一個“行李喼”（行李箱），有人話“喼”系音譯“piggy bag”，但“喼”嘅正確寫法應該系點？
《戰國策》記載：乃夜發書，陳篋數十。“篋”就即系“箱”，比如「藤篋」就係用藤織嘅箱。
因此“行李喼”嘅正確寫法應該系“行李篋”
老鴇、龜公，自古以來都系妓女嘅中介，但系你知唔知「鴇」字點讀？
「鴇」音同「寶」【bou2】
李時珍《本草綱目》中記載：鴇，純雌無雄，與其他鳥合。即系話鴇鐘意交合到無止境，鴇鳥為眾鳥所淫，明代朱權《丹丘先生曲論》：妓女之老者曰鴇。亦即系依家嘅“媽媽桑”
農曆七月，鬼門大開。
鬼字邊嘅字有好多，例如「魑魅魍魎」，但大部分人都唔識讀，見到呢四隻字，就只會“有邊讀邊，沒邊讀中間”...
魑魅是一種無角的龍，因山川邪氣而生，其後蚩尤與黃帝於涿鹿大戰，便派魑魅上陣，黃帝則吹起號角，以龍吟之聲嚇退魑魅；
魍魎則是山川之妖精，據《搜神記》所寫，魍魎的生父是中國神話時代「三皇五帝」中的五帝之一顓頊，魍魎死後，則變成疫鬼，居於若水。
粵語裡面，「魑魅魍魎」應讀作「痴（ci1）、（未）mei6、（網）mong5、（兩）loeng5」。大家記住啦！
大家都知道，粵語有九聲六調，九聲系邊九聲？
睇到上面張圖，乜嘢陰平、陽平、陰上、陽上、陰去、陽去、陰入、中入、陽入，其實判斷起身都有一定難度，但系依家教你一句“九聲口訣”，包你可以搞清楚：
三、碗、半、牛、腩、面、一、百、碟
但如果你唔鐘意牛腩面，都仲有另一句口訣：「394052786」，同樣包含粵語九聲！
閱讀更多 16號愛人 的文章
