張致恆(Steven)今年7月忽然宣佈有未婚妻雯雯,兼且已經
榮升人父,女友已為他誕下一子「天寶」,兩人於今年9月正式註冊結婚。Steven更為養家,要喺四星級酒店“炒散”,喺廚部做散工。
轉眼「天寶」已經七個月大,昨日雯雯於IG貼出Steven抱著兒子對望的溫馨照,並留言暗示再有喜。
她寫道:「已經幾日食唔到嘢,咩都冇力做唔到,辛苦你照顧個仔仲要照顧我,辛苦你要將我食完一兩啖嘅嘢食埋佢,辛苦你要一日煮咁多餐畀我食,辛苦你要遷就我嘅脾氣同無理取鬧。仲有幾個月...大家一齊努力堅持埋佢!」
不少網民都猜測雯雯那句「仲有幾個月...大家一齊努力堅持埋佢」是暗示再度懷孕 ,紛紛為她送祝福,
Steven亦有留言回應老婆:「因為你,我真係要好好減肥先得,如果唔係我抱唔到倆個啊,我愛你。」
雖然,雯雯沒有正式透露再懷孕,但早在Steven生日當天,雯雯貼一家三口照時都已有所暗示,她在貼文中提到:「下年...我身體回覆正常,答應你我一定會親手煮番餐飯畀你食。
希望接下來我哋一家人可以簡簡單單齊齊整整過每一個生日同節日,而家一齊努力迎接我哋嘅下一個旅程。」 據知,雯雯已經有喜,但未夠三個月唔講得而已!