長腳蟹呂慧儀
向來都冇咩負面新聞，
亦一直都唔覺佢脾氣好大，
今次居然話佢發
娛樂新聞臺主播周佩婷
晦氣？？？
《愛．回家之開心速遞》
長拍長有，
又有好多近期嘅惡搞劇情，
拍攝時間應該都比較趕。
呢日佢哋又開工，
無線娛樂新聞臺就過來探班，
有傳阿蟹不滿佢哋
探班探得過頻，
阻住拍攝進度而發火。
主播周佩婷見到阿蟹，
即刻問出嘅問題仲要係：
“你今日有咩要講？”
問題即刻辣㷫阿蟹，
當場發火鬧人：
“你知唔知我哋拍緊嘢㗎！”
周佩婷就同攝影師無癮離場，
後續仲有話
周佩婷遭到高層訓示。
Well，
齋咁睇，
件事確實極有可能會發生。
傳就咁傳啦，
當事人點講？？？？？
阿蟹今日即刻澄清：
“我發火，連我5歲兒子都不怕。”
“我冇㷫，根本唔存在，尋日佢入嚟我哋正放飯，自己公司嚟採訪當然歡迎，互相幫忙宣傳嘛！佢係有咁問，而我都有諗，我話不如講劇情，仲傾得好開心，之後佢收電話話要上公司做啲嘢。”
長腳蟹又話呢個主播比較少見，
唔知佢被高層鬧：
“唔知，過往探班啲主播我都認得，呢個就少見，可能呢排小新聞。”
傳聞仲話在場嘅劉丹同周嘉洛
都唔敢出聲。
目擊證人周嘉洛就話：
“唔系咁樣嘅，我見主播收到電話之後離開咗，對話間都冇火藥味，係正常對答。（因為阻住放飯發火？）唔會，佢非必要都唔會發火，只係講嘢大聲，聲線比較高啲，唔代表冇禮貌。”
所以人與人之間嘅誤會，
就係咁來噶吧？？？
因為陌生人喺一個場合
大家唔熟，
好易會覺得對方冒犯到自己，
但其實對方根本唔識你，
冇咩理由會mean你啊？？？？
同劇嘅演員都話
長腳蟹非必要時都唔會發火，
呢一點又值得相信嘅。
最後，
放啲龔水合照啦！！！！
資料來源：藝人社交平臺
微博
互聯網綜合整理
編輯：JZ
*文中圖片如涉及侵權請聯繫，立即刪除
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
