糙顏漢子
閩南的四邊攏是海，青山綠水隨阮來，美麗山河咱所愛，毋通乎人來破壞。閩南是生咱的所在，感念感恩在阮心內，出情意付出愛，代代花蕊代代栽。
閩南語順口溜~阿公阿嬤的教示
1、寵子不孝，寵豬舉灶。
2、神仙打鼓有時錯，腳步踏差誰人無。
3、一枝草，一點露。
4、食果子，拜樹頭；食米飯，拜田頭。
5、有錢吃魚肉，無錢求粗飽；有錢人驚死，無錢人驚無米。
6、樹頭企予在，不驚樹尾做風臺。
7、閹雞翅大飛不如鳥，蜈蚣百足行不如蛇。
8、輸人毋輸陣，輸陣歹看面。
9、做著歹田望下冬，娶著歹某一世人。
10、雙手抱囡仔，才知爸母時。
……
閩南語順口溜~咱厝人的童謠，兒時的記憶，滿滿的童真童趣
1、天烏烏
天烏烏，卜落雨。櫸鋤頭，巡水路。海龍王，要娶莫。龜吹蕭，鱉打鼓。火熒挑燈來照路，螳螂綴橋穿綠褲，田鯢櫸旗喚辛苦，水雞扛轎目吐吐。
2、天頂一塊鐺
天頂一塊鐺，落來貢著人；人慾走，貢著狗；狗欲吠，貢著槌；槌欲撞，貢著京；京欲起，貢著椅；椅欲坐，貢著被；被欲蓋，貢著鴨；鴨欲宰，貢著汝的大肚臍。
3、十指紋
一螺一坐座，二螺走腳皮，三螺沒米煮，四螺行頭整，五螺五花妝，六螺倨人扛，七螺七挖挖，八螺做乞吃，九螺九上山，十螺當大官。
4、啊肥
啊肥，啊肥，腳撐埋地雷，地雷埋倒掉，啊肥死翹翹。
5、赤查某
赤查某，赤扒扒，點火燒大伯，大伯走上山，點火燒乾官。
6、一個老人九十九
一個老人九十九，左手牽猴，右手牽狗，猴吼狗走，一隻烏龜驚到翻跟斗。翻到溝仔口，拄著一隻狗，狗咬猴。猴咬狗，主人一來攏著走。
7、一到十
一的炒你蔥，二的炒你菜，三的鏘鏘滾，四的炒米粉，五的五將軍，六的人子孫，七的七孃媽，八的人的兒，九的狗奴才，十的抓去宰。
8、羞羞羞
羞羞羞!未見誚，人插花，伊插草，人抱嬰，伊抱狗，人未嫁，伊先隨人走，人坐轎，伊坐糞鬥，人困紅眠床，伊困屎學仔口。
9、放雞鴨
一放雞，二放鴨，三分開，四相疊，五搭胸，六拍手，七圍牆，八摸鼻，九扭耳仔，十拾起。來啊！來啊！放雞鴨，雞仔鴨仔，走相拍。
10、十二生相
一鼠、賊仔名，二牛、駛犁兄，三虎、爬山崎，四兔、遊東京，五龍、皇帝命，六蛇、互人驚，七馬、跑兵營，八羊、食草嶺，九猴、爬樹頭，十雞、啼三聲，十一狗、吠契兄，十二豬、菜刀命。
……
閩南語順口溜帶有濃厚的閩南鄉土氣息，富有趣味、哲理性，且琅琅上口，妙趣橫生；不僅是閩南人生活的一部分，也是閩南文化的重要組成部分，具有豐富深厚的文化底蘊。
