ViuTV将于7月开拍新剧《诡探前传》，早前主角之一、饰演年轻版「忠Sir」的麦子乐，之前提到，将有极具份量的资深演员加盟剧组，「我都係因为呢个原因，更加想接呢套剧！」却三缄其口，多番游说后，他仍不愿说出该重量级演员是谁，直至昨天（20／6）下午举行的「谁是师傅」发布会上答案终于揭晓：「忠Sir」、「八爷」以及司马志全三师兄弟的师傅 ── 「哲道宗师」彭百川将由郑少秋饰演，确实係秋官，师傅「真身」被公开，不少网民都在ViuTV的社交网络专页直播发帖疯狂留言，有人话：「估你唔到」、「真係秋官！！！」、「近日股市……怪不得！」，更有人索性将新剧和神剧《大时代》的情节扣连在一起：「故事第一集佢（秋官）就喺天台丢（掉）晒啲徒弟落街！」反应热烈。
发布会后，秋官接受访问时回应指，今次倒戈参演ViuTV新剧，既因总经理鲁庭晖以及制作部副总裁金广诚盛意拳拳，也因酬劳吸引，更重要是彭师傅一角对他而言是崭新尝试，「我睇咗第一季（《诡探》）之后，觉得（意念）好新，而且拍得好吸引人，同埋我未做过呢啲角色嘛，所以个兴趣咪就係喺呢度囉。」秋官解释，彭师傅的背景是哲学教授和灵异大师两者皆有，既接受西方教育，拥有先进思想，信任科学方法，另一边则对茅山术士有研究，两者各走极端，看似不能并存，角色甚有挑战性，故最初获ViuTV接洽后，他已表示极有兴趣，「接呢个剧，就係谂住自己未做过，我又锺意尝试新嘅角色，『扮嘢秋』嘛！」
认彭师傅不易演 为《诡探》剧本烂尾解画
秋官入行经已半个世纪（1967年在电影《黑煞星》担任男主角），经验绝对丰富，惟他直言今次演出彭师傅并不容易，需要多做功课，「都几难嘅，因为我（角色）又係哲学教授，但灵异呢方面呢，就係属于道家，都唔係咁简单㗎，不过佢哋有顾问嘅，我就要攞多啲资料，要吸收吓佢哋畀我嘅讯息先得！」据麦子乐透露，《诡探前传》的剧本经已写起，秋官也为网民指《诡探》剧本「烂尾」解话：「我谂係佢哋係专登想铺去第二季嘅啫，係呀，去到结局都未解到㗎，咁咪第二季去解囉，我谂佢哋係咁样。我都觉得，诶～点解呢？（解释）唔够喎，但上次几个单元，我觉得拆得几好呀，都可以。」
不怕大台小器：我同TVB冇约囉喎！
演员阵容方面，今次秋官以老带新，除了曾与麦子乐在《桌球天王》（2009）「远距离」合作过之外，另外两位徒弟陈安立、游学修，还有将会在剧中饰演秋官女儿的江若琳和沈殷怡。对于三位徒弟仔在发布会上跳舞迎接师傅出场，秋官力赞他们三个孺子可教也：「我睇佢哋几醒目喎，今日少少嘅表演，就好醒目，啲嘢Pick Up得好快，应该得嘅。」自从参演戚其义监製的《心战》（2012）后，已经有6年没演港剧，今次却转战新平台，问秋官是否担心无綫「嬲猪」，他答得从容：「TVB？我同佢冇约囉喎，我都四围去做㗎啦，佢哋唔锺意，咪又拍啲好嘅嘢囉！」欣宜会否有机会在新剧中客串？秋官笑言：「咁就要同制作部研究吓喇，唔係我话叫就叫！」
麦子乐、游学修、郑少秋（秋官）、陈安立
閱讀更多 有火VIVA 的文章
