坐擁逾千億財富，名列香港十大富豪之一的劉鑾雄（大劉）
從未接受傳媒專訪，更鮮有談及童年往事。日前他接受媒體獨家專訪，由劉鑾雄去「解讀」大劉種種傳奇，包括家世。
劉鑾雄父親劉火榮亦是從商，最初是開米舖：「我所知屋企初期開米舖，之後開過製衣廠，但俾人唉曬，好後期先開風扇廠。聽阿媽講好多次，成日想儲五萬蚊，儲好多次都儲唔到，當時好多人喺大陸解放落嚟都好辛苦，個個都要捱同慳。」
【並非含金鎖匙出世】
大劉這樣形容他的童年：「我出世嗰陣時，爸爸都風光過一段好短時間，跟住冇幾耐失業，家庭靠媽媽維持，唔可以講含金鎖匙出世或好輕鬆。」
家庭環境不好，大劉出世後一樣要做粗活、一家人瞓地下。據知大劉的母親劉葉淑婉女士當年是以繼室身份嫁給劉父，當時她不單要照顧自己一頭家，連丈夫亡妻那頭家，都要照顧，所以擔子很重。
大劉憶述：「辛苦㗎！你知一個女人，唔系讀過乜野書，當年香港大家都好窮，大部份人都系大陸解放後落嚟，唔繫好多人帶到錢落嚟。」
【斬柴起火做到熟曬】
「我記得十歲前住木樓，熱天搵張蓆舖喺地下，冬天又搵氈舖喺地下，我的喺地下瞓到十歲先搬，所以童年生活屬於比較清苦。」
雖然說潮州人是重男輕女，但作為長子的大劉，一樣要做家務：「我係長子，比較力大啲，做粗重野比較適合啲。有時落雨，一個箭步就要衝上天台收衫，所以呢啲我熟曬，舉例掃地、拖地、食完飯執枱，所有我都做得好足，做到熟曬！
「我真系差唔多任何家務都做過曬㗎，而且做得好精，包括斬柴、起火，以前冇熱水供應，只能夠喺爐灶起火，煲就用銅煲，沖涼、煮飯、煮餸，所有熱水都系我負責，試過斬柴斬親手指，之後斬斬嚇已經練到好熟同好快。」直至大劉十歲左右，家庭環境才慢慢改善。
分享到:
閱讀更多 娛樂大風暴 的文章
