千呼万唤始出来。本周，中国足协有关广州恒大外援阿兰在比赛中肘击对手的处罚决定终于出台：停赛8场，罚款56000元。消息一出，立马有友人来电，一定要跟我吐槽一下。
友人：娄兄啊，阿拉额足协真会得做事体啊……3月30日额比赛出额事体，拖啊拖啊，拖到4月10日再掼出来处罚决定，啥意思啦？
我：呵呵，迭额叫慎重（shenzhong），侬懂伐啦？
友人：屁！慎重？啥地方？侬足协要么停阿兰80场，我倒是还买账侬慎重了！去年阿拉上海申花额秦升，还有上港额奥斯卡出事体额辰光伊拉捺能勿慎重呢？还勿是处罚决定出了个快？下手么来得额重，拎起来就是半年，掉过头就是8场……
我：嗯，还有北京国安额张稀哲来，停赛12场，从去年停到今年……
友人：是额呀！我北京几个朋友侪了骂足协勿是么事，判起其他球队嘛狠三狠四，一看到广州恒大一点声音也呒没了……
我：唉，算了，要体谅中国足协，人家也作孽来西啊。广州恒大帮忙足协解决了里皮，解决了国家队教练组，侬讲讲看足协能够捺能？拖了介长辰光还是决定停赛8场，我觉着足协蛮勿容易个。呒没办法呀，啥人叫足协穷呢？
友人：呸！啥么事勿容易？要判，就要判了公平合理！噢，解决里皮国家队教练班子就算有功啦？侬堂堂中国足协连得“吃人家嘴软，拿人家手短”个道理也勿懂？再讲了，当初侬足协去求人家做里皮个工作个辰光，捺能勿回报条件先想好啦？比如讲，侬广州恒大承担里皮团队的薪水，我足协寻国家要政策帮侬免税。
我：喂，朋友，理想归理想，实际操作勿一样呃好伐？侬讲讲便当，帮恒大免税，侬以为足协搞得定？可能性几乎为零！再讲回来，就算真个搞定免税，侬以为今朝迭张罚单就勿会拖辰光了？照样要拖呃……兄弟啊，中国人人情社会呀，大家侪要面子拨来拨去啊……
友人：阿拉勿是担心侬足协拖辰光，主要是觉着勿公平呀，一碗水总要端端平伐？
我：哈哈哈，老兄啊，拖辰光说明啥？说明足协内部压力大呀，通路子打招呼甚至于拍台子肯定侪有呃！我估计呢，追加处罚肯定是大家侪同意呃，主要就是停赛几场吵勿清爽。侬老兄去年个案例翻出来，我只好讲“此一时彼一时也，怎可同日而语”！
友人：格么侬意思就是一碗水肯定端勿平了咯？
我：哈哈哈，要么侬去当足协主席？
閱讀更多 東方體育日報 的文章
