黄智贤（Ben）和王君馨（Grace）担正剧集《是咁的，法官阁下》，被外界赞剧情够贴地唔似一般法庭剧，首度合演一对的他们仲一开始就是分居夫妻关系，设定够晒有趣。已婚的他们又互赞跟对方合作开心又放心，有亲密戏份另一半都不用担心；两人更大谈同自己另一半相处之道，分享甜到漏秘诀。
谈到戏内个案贴地被赞，戏中演大律师「范小宇」的Ben认为观众容易有共鸣，今次系以轻松手法，拍非一般法庭戏，以往大家可能只系睇到律师行业风光一面，但今次大家会睇到佢哋其实都要捱世界，租个office都好艰难。
由于剧情讲Ben和Grace甫亮相已分居，甜密戏份已是回忆，不过仍有不少激情场面，Ben笑言：基本上系佢做主动，佢逼到我埋墙嘴㗎！Grace即反驳，佢嗰时唔知几钟意我咁做呀！不过后尾突然话要同我离婚啰！入晒戏的Ben和Grace打情骂俏好不甜蜜，幸好他们跟另一半出名温馨，唔惊俾人误会。问到两人有咩夫妻保鲜秘诀，跟圈外太太结婚14年的Ben话一定要畀到对方信心，我从来唔会同女性朋友单独约会，以免大家有咩误会。至于Grace虽然跟老公Daniel结婚只有两年，但远距离拍拖11年，能够维系全靠个信字，我哋拍拖讲好咗，如果有第二个一定要讲，唔可以一脚踏两船，同埋我都会讲清楚畀老公知身边男性朋友关系，如果发现异性有追求之意就会疏远。
分享到:
閱讀更多 日日趣事 的文章
