好多港姐明明好受觀眾、傳媒的喜愛，偏偏最後大熱倒灶，不過有啲入咗行人氣仲勁咗幾倍，甚至有不少更紅過同屆三甲？
湯洛雯
湯洛雯系湯鎮宗大女同湯鎮業侄女，自從參選2012年港姐就好受傳媒注目，系冠軍大熱門，最後喺6強止步。初入行，佢已憑《愛·回家》「李思思」為人熟悉，後來加入《學是學非》成為新一代女神。其後，佢參演《完美叛侶》表現出色，網民跪求TVB捧佢做女一，後來佢真系擔正做《燦爛的外母》。依家佢做《法證先鋒IV》取代黃心穎，風頭一時無兩。
(東星圖片)
(TVB電視截圖)
林淑敏
林淑敏喺2000年參選港姐只擠身5強，至2011年喺《真相》飾演巴辣名媛，由於演出誇張，引起網民關注。2017年起，林淑敏靠《愛·回家之開心速遞》大小姐走紅，網民大讚佢演得夠霸氣，成為該年「最佳女配角」大熱門。最後佢失落獎項，多個論壇都有帖文為佢抱不平，好彩之後幾年佢一連獲得4個女配角獎。
(TVB.COM圖片)
(TVB電視截圖)
麥美恩
麥美恩喺2011年港姐競選落選，不過佢揀啱咗行主持呢路線，喺《學是學非》憑搞笑、直率風格出位，終得到網民贊好，捧佢做「綜藝女王」。由於佢中英文非常流利，而且急才勁，所以近年不時獲安排主持商場活動、出埠採訪國際明星，仲成日拍住Do姐鄭裕玲合作喺TVB大型節目做司儀，至2018年終奪「飛躍進步女藝員」。
(東星圖片)
(TVB電視截圖)
李施嬅
李施嬅喺2003年參選港姐競選，被視為三甲熱門，最後大熱倒灶。雖然喺唔少劇都好突出，但一直未受重用，反而喺2017年喺歐美地區獲得影后。自從佢話要離巢，好多網民都表示捨不得，加上《金宵大廈》、《法證先鋒IV》播出後，網民要求佢回巢的呼聲更高。
(TVB電視截圖)
(TVB電視截圖)
張可頤
張可頤喺1994年香港小姐競選落敗，但一入行就深受TVB力捧，代表角色系《神鵰俠侶》「程英」、《難兄難弟》「程寶珠」、《九五至尊》「呂四娘」、《金枝欲孽》「安茜」，更憑《九五至尊》獲得TVB視後，被譽為00年代「TVB五大花旦」之一。
(TVB電視截圖)
(TVB電視截圖)
陳妙瑛
1993年，陳妙瑛參選港姐獲得前5名，未入三甲，但佢系TVB 90年代末的一線花旦，代表作有《金玉滿堂》、《無頭東宮》等，但2002年後佢就退出娛樂圈，轉行從商。
(TVB電視截圖)
(TVB電視截圖)
郭可盈
郭可盈喺1993年參選香港小姐，系奪冠大熱，最後卻三甲不入。不過啱啱入行，佢已經因《刑事偵緝檔案》的高婕一角走紅，獲得10大電視藝人第2位，被譽為「TVB四大花旦」，系90至00年代一姐，紅過當年同屆冠亞季，分別有不受TVB重用的莫可欣，以及冇入行的林麗薇同餘少寶。
(TVB電視截圖)
(TVB電視截圖)
周海媚
周海媚喺1985年港姐競選出道，直至演出《義不容情》而紅極一時，系TVB 90年代的當紅花旦。至1993年喺《倚天屠龍記》飾演周芷若，完美詮釋咗複雜的內心戲，被公認為系日後其他演員無法超越的成就，奠定咗佢喺演藝圈中不可動搖的演藝地位。
(TVB電視截圖)
(TVB電視截圖)
邱淑貞
邱淑貞喺1987年參選港姐系奪冠大熱門，但被參賽者黃鶯指控下巴曾整容，經解釋無效，於是喺大會勸諭下退出競選。喺1992年，佢喺《赤裸羔羊》中大膽演出被封「性感女神」，藉此獲香港電影金像獎影后提名，之後主演的《不道德的禮物》、《愈快樂愈墮落》亦獲得相同提名。
(TVB電視截圖)
(電影截圖)
趙雅芝
趙雅芝喺1973年港姐競選只獲第4名，後來憑《上海灘》「馮程程」、《楚留香》「蘇蓉蓉」，令佢喺東南亞紅透半邊天，成為70年代「TVB四大花旦」。入行至今，趙雅芝多次獲得「華鼎獎」，遠遠紅過當年同屆的冠亞季、孫泳恩、容朱迪、劉慧德。
(TVB電視截圖)
(TVB電視截圖)
閱讀更多 橙子創意影視剪輯 的文章
