黃子華連開26場的最後一次棟篤笑「金盆浪口」，吸引不少圈中好友捧場。不過，前晚其中一位到場看秀的好友，就令子華勾起好多往事回憶，一時間在後臺哭到失控。
而這位好朋友，原來系同子華識於微時的林祖輝，子華每一晚都在臺上多謝祖輝，因為對方是他第一次開棟篤笑時仗義相助，當時的子華因為擔心銷情慘淡而到處貼街招宣傳，期間更講到哽咽。子華冇諗到對方突然來捧場，所以一見到祖輝就挨在他肩膀，忍不住流下男兒淚，之後還要用紙巾拭淚。在後臺等影相的嘉賓，好似邱淑貞夫婦、陳法蓉及名媛黎曉靈(Kimmy)等都被這幕感人場面，搞到反應不過來。
林祖輝接受傳媒訪問時話﹕「佢話最後一次騷，會諗番最後一次點準備，因為頭一段時間都有幫手，渠諗番成個棟篤笑，有啲回憶，所以好感動！」有指當年祖輝幫子華去紅館拿表，申請文化中心個場，連沙士期間開騷，祖輝還幫手在門外派口罩給觀眾入場，真系難兄難弟。
Kimmy在朋友圈分享相片後留言﹕「男神不忘初心感動落淚了！與女神們一起去看我的男神。從自己貼街招拍沒有人來，到現在一票難求，實在為你的堅毅驕傲#黃子華」。
Kimmy接受訪問時話好感動﹕「我哋約咗成班女神一齊去，我係好鐘意黃子華，咁啱江希文同子華拍過《男親女愛》，我又同江希文friend，難得最後一次，所以一齊去睇。反而祖輝我唔識，但子華系完全唔知渠喺現場，但聽講好似話26場都咁多謝祖輝，仲話記得貼邊條街，上演一幕難兄難弟。有人低潮幫你好難，但成功仲記得嗰個人，系仲難，所以渠系男神！」
分享到:
閱讀更多 菜喳 的文章
