夜晚無論系邊度都好，都可以睇到食緊宵夜嘅人，或者系趕去下一場食宵夜嘅人。突然霖起洪卓立《彌敦道》歌詞：街邊太多人與車，繁華鬧市人醉夜
大概每個人都會有幾間自己好中意嘅店。無論生活點變，工作幾忙碌，依然會掛住記憶中嘅味道。
懷念朋友仔一齊度過嘅珍貴時光，因為保存住我地嘅童年、友情親情甚至系愛情~
而我係個日常加班族（點解加班？因為寫稿比你地睇！）通常落班已經深夜，所以經常同埋同事去食宵夜，對宵夜絕對系真愛~
呢間宵夜店系由一對夫妻從06年開始經營，老闆同老闆娘都系本地人，開店至今已經長達13年啦！主要經營宵夜同花都本地口味~
一開始經營地點繫個好細嘅店面，因為生意增長，人流量增加，然後搬咗去清布市場入面一個大約30平方嘅店面。
後面生意越做越好，又決定再次擴大店面，搬黎宜家呢度有兩三年了，二樓仲設有包間添~
附上宵夜店菜品價格先。除咗價格實惠之外，菜式都非常之多，菜單竟然長達10頁！！所以我放住部分菜品圖比大家感受下先~
選擇太多，猶豫咗好耐！因為全部都想食一次！最後貼心嘅老闆娘實在睇唔過眼，為我地推薦咗招牌菜~
生滾煲仔粥系店招牌，純手工熬製、材料新鮮、味道鮮美、口感很滑。用瓦煲翻煮然後盛上，一人一個煲非常有特色，系傳統廣式粥~重點系料很足！！
粥底熬製時間充足，最後煮出嘅粥超級綿，一勺探底撈起豐富嘅食材，試一啖，順滑口感中透出鮮味~
老闆娘話招牌粥最受歡迎，一日煮一大煲，基本上日日都可以賣曬，手快有手慢無啦~
系花都人心中，“粥”嘅地位等同於滋潤補身嘅“老火湯”，系日常飲食中不可或缺嘅一種味道，食翻碗熱辣辣嘅靚粥，再疲倦嘅身軀，此刻都變得溫暖~
用姜蔥蒸竹腸系屬於清淡類，而鐵板就比較傾向於香口~最後我地選擇咗薑汁蒸~
竹腸爽嫩不油膩，竹腸系粉腸頭，都洗得好乾淨。姜味比較濃郁，都唔會有臊味，入味之餘仲保留住竹腸嘅韌度，分量好足，三個人都食唔曬添~
田螺脆嫩，紫蘇香味獨特，系一道家常菜。會霖翻起細路仔個陣爺爺奶奶系身邊嘅時光，憶起兒時一齊挽住只桶仔去河仔穩田螺。
尤其系中秋節期間，每家每戶都會食翻碟螺，原來細路仔個陣快樂可以咁簡單~
用新鮮田螺搭配紫蘇，完美嘅下酒菜~花都本地人比較中意食蒸田螺，因為多汁。而外地人就比較傾向於辣椒炒螺啦~
大小同我只手不相上下，歷經一番小火香煎，金黃色嘅香煎芋絲香香脆脆，食起身“卜卜脆”，芋絲口感細軟，綿甜香糯，正啊~
溫馨提示：最好系趁熱食，放耐咗口感無咁好，剛煎出黎嘅會比較脆~
鐵板豬雜入面有腸頭、粉腸、豬肝等等一系列豬嘅內臟，我有d拒絕食豬內臟，所以當時我無食。不過上菜個陣嘅滋滋聲，再加上聞起身好似又真系幾香~
呢間店嘅菜品全部都系出自老闆，系由老闆親自下廚嘅添，上菜速度快！而老闆娘就負責落單，兩公婆忙到踢曬腳~（老闆拋鑊嘅時候真繫好型啊！）
老闆得閒個陣都會同夥計一齊吹水飲茶食瓜子。有無發覺，老闆有d似發福版嘅“溫兆倫”，哈哈哈哈~
通常比我影完相菜品都已經凍曬，而老闆娘好貼心幫我地加熱咗！感動~而此時老闆娘同老闆終於有時間坐低休息下同我地吹下水。
老闆娘話佢地系一家人分工合作嘅。家公負責採購肉類，老公負責採購其他食材，家婆就負責熬粥，而老闆娘就負責照顧一對仔仔女女，真繫好幸福~
老闆娘分享嘅呢一瞬間，我望見老闆娘臉上充滿幸福嘅笑容。其實最嚮往嘅生活莫過於有一個愛你嘅另一半以及擁有一對仔仔女女，再然後有一間小店，一家人開心過每一日~
唔食宵夜等於無咗靈魂！減肥放埋一邊，食完先有力減肥！一到夜晚就有好多附近街坊黎幫襯，深受附近街坊喜愛，簡直就係深夜食堂。
重點系老闆同老闆娘好nice，親切又和善，咩話題都可以接得上，仲同大家傾得好開心~搞到我忍唔住合影翻一張添~
老地方美食館
地址：清蓮路與清潭東路交叉口
交通指引：地鐵9號線清布站C出口約700米
營業時間：下午5:00—凌晨4:00
價格：人均40+，好抵食
地圖：
其實每個城市都會有開咗10幾年嘅老店，總會有幾味獨特小菜，接地氣且充滿生活氣息，激活大家嘅記憶。咪講咁多先，幹咗呢杯酒~
咁我嘅初衷就係分享好玩好食嘅野比大家，所謂民以食為天。咁你地仲有咩好介紹？底下評論話我知啦~我地下一站見
閱讀更多 花都我撐你 的文章
