「最佳男主角」
馬國明
《白色強人》
![萬千星輝頒獎典禮獲獎名單出爐!馬國明不再陪跑,拿下視帝!](http://p2.ttnews.xyz/loading.gif)
馬國明不用再做佈景板,終於一嘗視帝滋味!馬國明入行20年,今次是第12次角逐視帝,今次憑《白色強人》奪最佳男主角!
![萬千星輝頒獎典禮獲獎名單出爐!馬國明不再陪跑,拿下視帝!](http://p2.ttnews.xyz/loading.gif)
他得知賽果後繼續招牌天然呆!之後在上幾屆視後胡定欣、唐詩詠及李佳芯手上接過獎項,並獲兩位兄弟林子善及黃嘉樂推下臺,馬國明上臺說:「今年真係嚇親!我首先多謝大家反應!就算冇獎我都當贏!我今早出門,我阿媽話中到就發,我話中都要做,佢話八千幾萬呀!今年咁多強對手,可能我係有運,呢個運係遇到《白色強人》。」他又多謝TVB監製、高層、傳媒及梳化服。
「最佳女主角」
惠英紅
《鐵探》
視後由惠英紅憑《鐵探》奪得「最佳女主角」,紅姐完成影視大滿貫!她在臺上說:「原來真係緊張過金像獎!好開心、好感恩,十年冇返香港拍劇,一拍就有好劇本,我喺TVB出身,如果廣大觀眾唔嫌棄,我會拍多啲劇,我接拍嘅劇本都係高水準嘅。」
「最受歡迎電視男角色」
周柏豪
《多功能老婆》
周柏豪憑《多功能老婆》奪最受歡迎男角色。
「最受歡迎電視女角色」
李施嬅
《金宵大廈》
楊千嬅
《多功能老婆》
《金宵大廈》李施嬅與《多功能老婆》楊千嬅一同奪「最受歡迎女角色」。
「最佳劇集」
《白色強人》
「最受歡迎電視歌曲」
周柏豪《多功能老婆》-讓愛高飛
《娛樂大家》
汪明荃、森美、蘇永康、餘德丞
「最佳非戲劇節目」
《嫁到這世界邊端3》
《懿想得到》
《晚間看地球》
《森美旅行團》
《出走澳洲》
「最受歡迎電視拍檔」
陳山聰、李施嬅
《金宵大廈》
「最受歡迎電視拍檔」獎由《金宵大廈》的陳山聰及李施嬅奪得,兩人劇中的宿世情緣令人回味,播放期間獲得不少迴響。兩人於臺上即興以角色腔口互相道謝,又多謝高層、媒體支持及劇中的黑貓。
「最佳男配角」
周嘉洛
《愛·回家之開心速遞》
最佳男配角由《愛.回家之開心速遞》的「金城安」周嘉洛半爆冷贏得,是他首度提名即奪獎,一眾《愛》劇家人包括即上前攬攬祝賀。
周嘉洛說:「各位!我本身以為最佳劇集先有機會上臺,我其實有彩排過自己,但真係冇諗過會有獎,呢個獎係屬於《愛》劇臺前幕後,同埋同我哋經歷三年嘅香港人!」
他又特別多謝高層曾勵珍、樂易玲、《愛》劇幕後人員、劇中一眾合作演員以及媽咪。最後他說:「就算金城安係廢青,都多謝大家支持,呢個廢青有佢嘅價值!」臺下劇中女友林凱恩及阿姨蘇韻姿感動得喊到變豬頭。
「最佳女配角」
趙希洛
《金宵大廈》
「無線御用癲婆」趙希洛於無線劇集《金宵大廈》演憶子成狂的瘋婦,成功獲得「最佳女配角」獎,並由好友黃智雯手上接過獎項,兩女即來個情深擁抱,表現興奮的趙希洛邊講邊喊:「入行12年人生第一次提名,冇諗過係呢個項目,4歲已經同自己講將來要做演員,係公司成就呢個夢想....要多謝樂小姐(樂易玲)係我藝人生涯想放棄時叫我唔好離開。」鏡頭即影向以紙巾抹眼淚的樂易玲。
而趙希洛亦感激黃智雯:「佢畀我仲叻,成日教我同幫我,一啲都唔dus,我dus過你。」她更感性表示要感謝老家人,她說:「部份家人好支持我,好多謝有佢哋,爸爸媽媽。」最後她對媽媽、前藝人梁小玲說:「我終於可以同你講唔使失望,我其實真係可以做一個演員,對唔住,你哋養到咁大,我就唔聽話去做一樣未必認同嘅事,so sorry,love u so much,知我哋平時唔會講,但我做咗!」
「飛躍進步男藝員」
張振朗
《包青天之再起風雲》、《牛下女高音》、《12個夏天》
張振朗獲頒「飛躍進步男藝員」,他得知得獎時眼溼溼,合作過的李佳芯和譚俊彥都上前送抱,他在臺上表示最近失聲,並很希望第一次擔正的劇集《堅離地愛堅離地》可在香港播出,他說:「我好鐘意演戲!無論幾攰拍到幾點,拍到聲有幾沙,返屋企都會覺得做得唔好,可以做得好啲!呢樣係我對演戲嘅要求,由訓練班開始我話要用心去做戲,咁多年都冇變。」
他自嘲新花名「地獄黑仔王」,笑言是「開心事」:「演員要多經歷,所以係好事。」他又多謝曾勵珍、樂易玲、幾位合作過的監製以及家人:「家人對我支持好大,阿哥阿嫂舅父畀無限鼓勵我,仲有我最愛嘅女人,我阿媽!相信佢喺屋企笑緊我又喊喇!媽!I Love You!最後希望大家唔話再話我係翻版邊個,我係張振朗。」
「飛躍進步女藝員」
張曦雯
《白色強人》、《金宵大廈》、《解決師》、《12個夏天》
張曦雯(Kelly)獲得「飛躍進步女藝員」,她踏上頒獎禮時開心到口震震,表示高興於無線搵到熱愛工作,並感謝一眾高層的愛錫及信任,以及劇集《白色強人》監製、同劇演員唐詩詠、李佳芯、郭晉安,她說:「我知每個機會得來不易,所以會好好珍惜,我亦知自己有好大進步空間,我會繼續努力,父母、細佬,I Love Yo...多謝愛我嘅人。」
「萬千光輝演藝人」
劉丹
「萬千光輝演藝人大獎」得獎者是劉丹,並由上屆得獎者薛家燕頒發獎座,於宣佈一刻,劉丹有份參與的處境劇《愛.回家之開心樂遞》眾演員均站立鼓掌。
劉丹接過獎座時笑說:「真係估唔到家燕大我8年,我入行52年,佢入行資力大過我……」更自言入行幾十年什麼獎項都沒有,沒料一攞便是大獎,適逢今日是其農曆生日,講時感動得熱淚盈眶,說罷《愛》女兒呂慧儀即向他遞上紙巾,之後全場向壽星公大唱生日歌,令劉丹加感動,並感性地說:「幾十年嚟咩辛苦都捱過,呢行好奇怪,拍戲時唔夠瞓,有時想改行唔撈……但自己好彩做呢行,係非常喜歡呢個職業,終身事業,多謝TVB呢棵大樹遮好大陰,仲有一位要多謝,多謝珍姐(無線高層曾勵珍),非常感激,我對佢工作能力好了解,雖然惡,但對佢佩服。」
閱讀更多 灣仔如初見 的文章