我自問非常樣衰，稱得上三尖八角，單眼皮鼻扁孖潤腸爛面集於一身。從來都冇男仔對我有興趣，我讀中學果陣，啲男仔掂到我之後都會彈開同即刻洗手，乜花名都有，我覺得我一世都唔會拍拖。
直至上年我無聊玩交友apps，識到個男仔 ，佢應該算系中上樣，我啲friend個個都話佢靚仔，佢仲要讀醫。同佢出左街幾個月，見左好多次之後，我同佢講我中意佢 ，我以為一定冇可能，點知佢答應左。
當初拍拖之後，我好快就同佢上床，其實佢冇要求，系我主動問佢。
但宜家一齊左半年，都未見過對方家長，我開始懷疑我唔系佢正印，甚至當我係備胎 。但系我又諗，我條件咁差，人地男神當我備胎我都應該開心。
出街果時，佢會主動拖我、錫我，眾人都會投黎異樣既眼光，談笑中充斥輕蔑與歧視，畢竟我個樣實在生得太幽默。呢個唔系錯覺，有幾次同佢搭車直頭聽到有乘客講：「睇下你隔離」之後喺到笑 。男朋友落左車之後，佢地甚至高談闊論：「條仔咩事咁折墮？」你可以想像下，如果喺街見到你女神拖住八兩金，你會有咩反應，絕無半點誇大。
我有同best friend講過我有男朋友，因為同佢識左十幾年，小學就識，所以佢講嘢好直好放。佢話：「你條仔對眼系咪有問題 定系醫生對研究外星人有興趣？ 」
我都覺我男朋友好慘，明明條件咁好，搵備胎都唔洗搵我啦，竟然會同我一齊。我宜家已經唔會擔心佢系咪真心同我拍拖，定當我備胎。重點系佢好可憐，我怕佢系因為同我上左床，驚飛左我會內疚，先勉強同我一齊，但系我又feel到佢同我出街佢系開心既... 唔知系咪扮... 我宜家好亂，真系唔明佢系點諗。我好想放過佢，比佢一條生路，因為佢值得更好 ，我唔想佢因為負責任先同我一齊，我係咪應該同佢分手？
有人話 樣衰到一個程度系原罪，出街都有損巿容，我呢啲人系咪註定單身一世？
如果你有心事，歡迎私信留言
珍惜緣份，發洩完依然要做個理智男/女友啊
關注下我啦~
更多心事：
閱讀更多 粵難粵愛I心事臺 的文章
