你有多久沒食過充滿“鑊氣”的鎹菜?
當鑊氣同冷氣只能二選一嘅時候,你會點揀?
如果你選冷氣,飯糰勸你慎重考慮
(因為今期推薦嘅餐廳,兩個字形容:超正!)
如果你選鑊氣,恭喜你,今期飯糰推介絕對巖你胃口
今期飯糰去了最近好hit的大排檔探店
之前睇唑好多介紹,都話呢間店人氣超級火爆
嚟遲半步都要慢慢排隊等位
所以最驚排隊嘅飯糰,當日下午四點半左右就已經到店
店面並唔大,基本可以一眼望曬
而且店內可以話系零裝修
甚至連空調都無
後來聽餐廳嘅靚姨話,佢地五點先正式營業
要坐都可以坐住先,但就暫時不會落單炒鎹
好動嘅飯糰,又點會願意齋坐系度等?
而且飯糰發覺系餐廳附近有不少特色西關建築
非常適合中意打卡影相嘅各位朋友仔
影完一輪相之後
都喺時候做正事——點菜
呢度嘅餐品選擇頗多
齋睇菜名都已經樣樣想點、想食
而且價錢並唔貴,都系二三十左右
所以多點兩樣都不會太過心疼
首先上場嘅系1號選手鹹蛋炒小瓜
呢個鎹嘅出場率極高,基本每圍必點
香而不膩,鹹而不苦嘅鹹蛋
實實地包裹住每一塊雲南小瓜
鹹香爽脆樣樣齊
OH!呢個鎹就算唔系鹹蛋控都一定會愛上佢
緊接著出場嘅系2號選手美味魷魚筒
一上臺,齋系望到呢兩條逼爆只碟嘅魷魚
就已經瞬間食慾大增,開心到飛起
(吃貨就係咁容易開心滿足)
而食落你會發覺....
哇,這兩條魷魚之前絕對系運動健將
因為佢超級爽口彈牙
再加上大排檔獨有嘅味道——鑊氣
瞬間令佢地錦上添花,成為魷魚界嘅冠軍
最後壓軸出場嘅3號選手醬爆生腸
好多人都會對佢戴有色眼鏡
覺得只要系腸,都一定要異味
對佢地耍手兼擰頭
但咁樣對佢地實在系太唔公平了!!!
其實處理得好,腸系唔會有異味,只會留低美味
(好似飯糰之前飯糰介紹過嘅滷水豬腸,同樣都系十分好味)
而且生腸,更加系其他咁多種腸入面,最無異味嘅腸
好啦,講唑咁耐,都系時候講下呢度嘅醬爆生腸
作為壓軸出場嘅選手,佢果然系非同凡響
初初落單嘅時候,飯糰有點擔心
醬爆生腸會韌到似香口膠,咬極都唔斷
(畢竟飯糰之前試過幾間店嘅炒生腸都會出現呢個問題)
但喺呢度完全無呢個問題
呢度嘅醬爆生腸非常爽脆惹味,系飯糰喺廣州食過最好食嘅醬爆生腸
用嚟送啤酒或者可樂一流
而且如果你中意重口味D,仲可以夾住配菜中嘅青椒嚟食
相反你想清新少少,就可以夾住芹菜或者洋蔥嚟食
當然,咩都唔夾,都非常十分極度之好食
而作為特別嘉賓出場嘅老火例湯——紅蘿蔔煲豬骨
原本飯糰無諗過要叫佢嘅
畢竟例湯通常都系淡而無味
但食到中途,可樂飲完後,當正想叫多支嘅時候
發覺唔少食客都會叫翻碗例湯嚟飲
於是繫好奇心嘅促使下,飯糰就叫唑碗黎飲下
味道雖然無乜特別,但勝在夠足料
而且3蚊一碗,性價比還是不錯的
必看的溫馨提示:
1. 店鋪人氣火爆,下午五點營業,基本沒夠五點半已經坐滿,所以想去食嘅朋友仔,記得提早去
2. 店內無空調,只有風扇,所以怕熱但又想去食嘅朋友仔,記得自備風扇
3. 落單最好開頭一次性點曬,如果唔系,啊咦太忙靠記憶力落單,可能會出現漏單情況(飯糰就是這樣和藕尖牛肉無緣)
4. 鎹菜分量十足,所以想試多幾款菜色嘅朋友,可以約多幾個朋友仔去,唔好浪費食物
店鋪詳情:
店名:甜甜屋
地址:解放中路雲臺裡2號