大嗱嗱500萬收咗先算
《逆緣》中的賀永年（黎耀祥飾）已成“玄學家”，主要靠事前做資料蒐集、父親賀和平（姜大衛飾）幫忙設局呃呃氹氹等方式，完成大大小小的生意委託。最新一集翁芷蕎（夏文汐飾）為了幫患癌的丈夫湯澤澄（黎諾懿飾）延壽，尋求賀永年的幫助。其實賀永年心裡已OS：“都末期癌症啦，點幫佢續命啊？”於是開出500萬的天價希望翁芷蕎“知貴而退”，豈知她卻一口答應。
大嗱嗱500萬就在眼前，賀永年唯有頂硬上，把坊間關於“延壽七星燈續命術”的書看一遍，左填右補地整合起來做了場法事給翁芷蕎看，並說出“七七四十九日內延壽七星燈光明不絕就可延壽續命”的條件。
“都末期癌症啦，點幫佢續命啊？”不過有500萬報酬咁吸引，賀永年頂硬上。(劇集截圖)
唔想被拆招牌 就搵人拆延壽燈
其實人人都知“延壽七星燈續命術”唔work，就連賀永年都話：“見步行步、順其自然、各安天命。”難怪賀和平會擔心遲早穿崩。其實不只賀和平，就連網民都紛紛幫賀永年想辦法，討論要是湯澤澄最後還是死了，應該如何向翁芷蕎拆招、解釋，於是有人提出：“喺七七四十九日到期前搵人搗亂整熄曬啲燈，然後話個天都要湯澤澄死咪得囉。”
“搗亂”提議一出，網民便研究“如何可搗亂得更為合理”，最後就得出方法：“既然佢哋喺湯家發跡祖屋點延壽燈，賀永年搵個方法話俾憎到翁芷蕎死嘅湯澤汶（何綺雲飾）知，指翁芷蕎喺佢哋祖屋作法搞搞震，目的系想搶走湯家家業，到時湯澤汶衝動起上嚟，唔知頭唔知路整熄曬啲燈咪一天都光曬囉。”的確不失為一個好方法，既合情合理，又符合湯澤澄安排翁芷蕎做信託基金管理人，激到家姐湯澤汶生蝦咁跳，於是與翁芷蕎更不和一事。
不過，亦有人提出疑問：“如果喺法事完全完成之前，亦即“七七四十九”之內湯澤澄已經死咗，咁點拆？”法事未完成就死了，即不是賀永年道行不夠，理應與他無關。這樣解釋啱唔啱聽？大家又有何睇法？
閱讀更多 飛娛扒樂 的文章
