47歲江美儀，月初接受本報獨家訪問時，自爆與拍拖11年的君如胞弟吳君祥步伐開始不一致，相信緣份已盡。分手兩年，其後前度父親冬叔(夏春秋)篤爆兩人早於06已年喺西雅圖註冊結婚，美儀的婚書亦隨即曝光。分手變離婚，失婚美儀表示現時單身但都想有新戀情！近日就被《東周刊》發現她出動80萬波子接載監製陳維冠。日前晚上，美儀跟方中信兩公婆等一班好友往中環九如坊飯局，見佢全程笑笑口表現風騷，不論座駕、車上擺設及上衣都系紅色，似乎布曬陣催旺姻緣囉！
日前晚上8時，無為分訊影響心情嘅美儀現身中環飯局。當晚見美儀和好友鮑起靜方平夫婦、方中信兩公婆等，一行十幾人約埋去中環九如坊嘅新派粵菜店慢煮兩餐。早前被說是修哥(胡楓)、黃百鳴和林文龍等先後幫襯過呢間店，主理人系退出娛圈多年、吳啟華胞兄吳啟明。當晚一班圈中幕前幕後好友齊齊去撐場，老闆吳啟明間中有行埋長枱講嚇食經。方中信飲白酒食得開懷，美儀亦心情不唔錯，面帶笑容邊食邊傾。
開心gathering兩小時，眾人步出分頭離開，美儀甫見記者即禮貌打招呼，見佢捧住兩個食物盒走人。記者上前採訪，問她心情好番未？她笑笑口回應：無嘢嘞！真系OK呀！(有無怪冬叔？)無無無(不斷擰頭)，bye bye。隨即上車走人。見美儀戴上紅色框眼鏡，15年以80萬元購入、本身是白色的座駕，近年就改噴為鮮紅色，而車廂內的吊飾熊仔、擺設等皆是紅色，實行全方位擺陣催運，似乎想快啲搵到第二春呢！
分享到:
閱讀更多 日日趣事 的文章
