鄭嘉穎與陳凱琳（Grace）拍拖三年，終於修成正果，於巴厘島Bvlgari resort舉行婚禮。
唔少藝人都喺呢間酒店搞婚禮，好似劉愷威同楊冪，以及林心如同霍建華等等，貪個環境望海夠浪漫。
今次婚禮由Grace全權負責籌備，由於是基督徒關係，嘉穎當然要滿足另一半在教堂行禮的一生願望，舉行婚禮嘅石教堂，教堂雖然細細但好骨子，兩邊玻璃窗，教堂兩旁係一排排嘅凳，大概容納64人，教堂盡頭係一張長嘅玻璃枱，一對準新人會喺嗰度進行宣誓，而教堂望出去係靚靚嘅大海。另外，教堂出邊地方會舉行婚宴，而附近仲有草地，可以畀一對新人同親友影相者舉行酒會。
藝人鄭嘉穎與陳凱琳相差22歲，定情於無線劇集《僵》，兩人在荷蘭拍攝外景時，朝夕相對18天而極速擦出愛火！二人拍拖後經常因工作分隔異地，但堅持互傳訊息分享日常趣事，更漸漸由低調變成大方放閃，不時拖手出席公開場合。
這段情初時未被睇好，除了年齡差距及陳凱琳出身富裕家庭外，有指陳爸爸亦對鄭嘉穎有抗拒，原因之一是鄭嘉穎曾與王馨平、周麗淇和佘詩曼等拍拖及傳出緋聞，其次是他個性大男人，又煙又酒又愛蒲吧，相反陳家家教甚嚴，陳凱琳戀愛經驗不多，與每位前男友拍拖都不超過3個月，難怪陳家父母擔心。但鄭嘉穎最終過到岳父岳母關，有情人終成眷屬！
分享到:
閱讀更多 嫻栩栩 的文章
