【外遊禁忌】話說前幾日有個內地OL去澳洲，因為無行李，無訂酒店，當地移民局懷疑渠系黑工，然後俾人譴回。其實呢啲事基本上喺香港日日都有，被香港拒絕入境慨又有，被外國拒絕繼而譴返慨都有，其實地勤人員喺Check-in慨時候都會對旅客有一定程度慨審視，遇到奇怪慨旅客我哋都會通報上級，因為其實好多已發展國家都會有派人嚟香港同航空公司職員有training，教我哋點樣睇假證件，點樣分辨一個旅客慨旅遊目的，遇到懷疑係我哋俗稱”跳飛機”，或”跳水隊”（即繫有可能偷渡）慨旅客時，應該點做，不如用地勤慨角度睇嚇呢單新聞啦。
外遊禁忌
1｜單身
移民局通常都會對單身人士有更高警覺性，始終做壞事都不會一家大細，或者夫妻檔，單身男的都會以為你是黑工，或是運毒、走私之類。單身女的，就以為你是去做黑工、賣身之類的。小編自己獨遊日本都試過被問話，翻箱倒籠，底褲都睇埋，因為原來有多人走私毒品、黃金⋯⋯
單身⋯⋯唉⋯⋯
2｜遲訂機票、現金訂票
通常去旅行都會好早計劃，起飛前幾日先買飛，畀人感覺沒準備。仲有現金買機票畀人覺得你唔想被人追縱到出票來源，因為用信用卡的話知道慨資料多啲，兼且有得信用卡，個人點都有啲經濟能力。
用現金買機票都嫌疑大
3｜無帶足夠衣物、行李
無行李令人誤會你走佬，或者太少行李去到一個不合邏輯慨程度都會惹人懷疑，例如去冬天地方應該要有大褸，衣物較多，行李較重，但check-in時得一件行李幾公斤，望嚇你張機票去一個月玩，件事就好奇怪。我哋就會上報。
會因應目的地同天氣去推測乘客的行李是否合理。
4｜無行程單、酒店訂單
即使系一時興起，都最好知道自己會去邊，打算住邊度，好少好少人去旅行會連落腳慨地方都無，即使繫有朋友親戚接待，都唔好連地址都無，人哋當地移民局一問你，你咩都答唔出，真繫好難怪人唔知你去渠國家做乜。同埋去美國，Check-in時就已經要你提供當地地址，亦都會有保安人員同你嚟個簡短慨interview先。準備好喇！
部分人鐘意去到先隨心訂酒店，原來都嫌疑大。
5｜英文能力
好現實，識得用英文證明你起碼受過教育同埋識英文你先解釋到俾人聽你嚟做乜。呢樣嘢無得呃，試過親眼見過應該系移民局慨職員去逗一個懷疑偷渡慨客，渠手持一份英文報紙，但可惜上下倒轉…個職員要求渠求其讀一隻字嚟聽嚇，都做唔到，然後渠立即被帶走…
英文報紙
6｜回程機票或離開當地機票
我都明Backpackers一來想慳錢，二來亦預唔到幾時走，但他們國家好關心你入咗去他那，幾時會走，系咪返屋企唔緊要，離開渠國家就得，其實好多國家都講明如果你無回程或再往下一目的地慨機票繫有可能會拒絕你入境，仲有例如免籤逗留30日，但你張機票回程系30日後，都可能會有麻煩，地勤亦都會檢查呢樣嘢。
當地政府最怕你齋入無出
7｜可理解的行程
例如香港去東京，咁多直飛，就算系轉機，去臺北、韓國轉都令人覺得make sense啲，去曼谷轉、去吉隆坡轉，就會令人覺得行程好奇怪，因為好多所謂跳飛機客可能會喺中轉站換證件，甚至換人上飛機。
曼谷蘇凡納布國際機場
8｜請如實申報旅遊目的
試過親眼見過一個旅客，可能英文唔好，或者問多兩問就驚，個移民局職員問第一句就話自己系嚟Businese，問多兩句系咪開會，公司卡片又無，邀請信又無，再問多兩句，突然又話系Tourists，真系唔惹人懷疑就奇。
其實老套講句，真金不怕紅爐火，如果你是真．遊客，點都唔會俾人問到口啞啞，不過坦白講，Backpackers 有好多特點都同偷渡客相似，我自己獨遊時都遇過同樣問題，俾人問咗我成個鐘。但最重要系答得有文有路，目標清晰。
電影《Into the Wild》劇照
地勤公司每日都收到好多我哋稱為INAD = Inadmissible 拒絕入境旅客，好多原因都系Unclear travel purpose，即系不明確旅遊目的。老實講，香港人機會系較少慨，但系都有，下次去自己留意一嚇喇！
閱讀更多 遨遊狗 的文章
