點小評今日推薦:相信大家都知道四海一家的自助餐,咱們會員偶然機會再遇四海一家,環境還是原來的環境,種類和出品上竟然有些出乎意料的進步!不管每個人口味如何,小驚喜還是值得參考的哈~
本文作者:大眾點評網vip會員丨d人叫我做阿叔
本文從大眾點評廣州社區“食在廣州”部落精選而來
講起四海一家,相信唔少人對佢都好熟悉,唔使我多介紹。
自助餐一向都喺阿叔呢種大胃王嘅最愛,任食嘅感覺真喺好爽。
以前阿叔細細個第一次跟阿媽嚟食,真喺覺得超正,乜都有得食,三文魚任摞,食到停唔到落嚟,加上以前經濟條件唔好,要食一餐上百嘅自助餐真喺唔容易。
到後來同朋友同學斷斷續續都食過幾次,感覺出品越嚟越差,對上一次嚟比我嘅感覺喺唔會再做回頭客。
都有一段好長嘅時間無嚟過四海,如果唔喺公司組織,我個人基本都唔會過嚟。
今次喺跟組織過嚟組團開餐,嚟嘅時候發現有唔少人都喺組團過嚟,有公司團有老人團等等,感覺組團好似優惠唔少,但具體幾錢我就唔喺好知。所以今次就算唔喺週末,感覺都幾多人下。
點評上有團購,中午133/人,晚上155/人。
十一點半開始入場,好快就安排好我地嘅座位,環境方面同以前差唔多,變化唔大。由於比較肚餓所以未座低就直接去摞野食。
今次都幾好彩,比較早入場,一開始人唔算太多,去到自助餐區發現好多野比以前都進步咗唔少,每樣嘢賣相都相當吸引。
串燒
天婦羅
蛋撻番薯
咖喱
燒臘
燒臘方面都算中規中矩,d雞肉鴨肉唔算特別靚,志在食個味。
海鮮
海鮮方面摞咗唔少一時之間叫唔出喺乜但喺又好爽口嘅野,點下豉油食都幾清甜下,另外仲有蝦花螺青口等等,蝦就唔錯,不過青口太細粒,而且食落口口感比較粉。
魚生
順德魚生好鮮甜好爽口,相比之下三文魚就無甘鮮,不過都幾香,另外想講下d芥末真喺好辣,唔好落太多。
鐵板燒
扒類方面我見好多時都喺煎魚煎雞扒,呢兩樣唔喺好大興趣所以無摞,好唔容易比我偶遇到牛扒,整咗塊試下,都幾有牛肉味,不過老咗d。
燒烤
燒烤方面試咗個烤肉烤魚同生蠔。烤肉唔錯,食起身幾香口。烤魚就麻麻地,個名同個賣相都好勁下,叫咩亞馬遜魚皇,好大條,但喺食起身口感比較老,而且無魚鮮甜嘅味道。烤生蠔就唔喺好掂,雖然d生蠔個頭都唔細,但喺食起身味道苦苦澀澀甘。
壽司
甜品
小丸子/蔥油餅
燉湯
墨西哥捲餅
涼粉
粉面
熱菜
鮑汁系列
魚翅撈飯
飲品
大概到中午十二點多d嘅時間人就開始多,d人開始瘋狂搶野食,三文魚生蠔都基本大排長龍,不過四海方面食物補給速度都算ok。
D人喺咁搶,睇呢個阿叔搶得幾開心。
個人建議食排隊嘅野最好避開中間果段高峰期,到後面就基本唔洗排隊,而且貨源充足根本唔洗擔心會摞曬。
哈根達斯
長毛叔叔都喺呢度唱咗好多年。
吃盡盤中餐,避免浪費,食幾多摞幾多。
總體感覺對四海印象分比起以前提高咗唔少,出品雖然唔算話好精緻,但喺都唔會太差。
END,喜歡就分享給身邊朋友吧~
大眾點評廣州社區精選,發現最接地氣最有意思的吃喝玩樂去處!
本文商戶:四海一家(萬博中心店),大眾點評搜索商戶名,即可找到地址,營業信息,推薦餐單以及更多優惠信息哦
閱讀更多 大眾點評廣州精選 的文章