今日分享幾個字，在粵語裡都有摔倒、跌倒的意思。
第一個是“摜”(讀gwaan3),摜本意係習慣，亦有扔、摔的意思。《西遊記》有寫到：“只見行者提著兩個孩子，站在那高崖之上，意欲往下摜。” 《清朝野史大觀》：“穆宗喜舞劇，尤喜摜交。”後來摜由往下摔的動作就引申有跌倒的意思。
第二個是“躂”(讀daat3),躂就係失足跌倒的樣貌，《五燈會元》祖曰：“石頭路滑，還躂倒汝麼？”粵語有句俚語，叫躂生魚，生魚生命力強，離開水都蹦蹦跳跳，想劏都唔容易，因此要出力躂暈佢。如果人都好似躂生魚咁躂到癱癱腰，程度就相當厲害了！
第三個是足字旁著個耒字，（需要睇圖，讀leoi1),意思亦係足跌也。譬如話佢中咗一槍成份（足耒）低。
如今海外疫情擴散係越來越厲害，希望佢哋唔好等摜低企唔翻起身先知道問題的嚴重性。當然我們亦不能掉以輕心，要保住勝利果實。
分享到:
閱讀更多 粵音正字 的文章
