我只系一個平平無奇既高中女學生，同男朋友識左兩個月就一齊左，宜家一齊左兩個月，到宜家我仲繫好懷疑同佢一齊系咪真系一個啱既選擇。
認真講，佢唔算特別靚仔，普普通通咁，當初同佢friend嗰陣純粹覺得佢系一個好好既男仔，孝順運動好份人幾細心同佢幾傾得埋。之後對佢有好感，同佢熟左，發覺佢都同過好多女仔熟，甚至會知道同記得佢地既經期同電話號碼，我心唸咩料啊♂️到宜家一齊緊，佢仲系開口埋口都系另一個女仔(我好朋友，佢地曾經熟過)我同佢講過，佢就話我都可以喺佢面前講翻第二個男仔咖♂️仲要系咁攞第二個男仔嚟串我（個男仔同我ok friend）只系WeChat都會嬲，真心唔明佢系小氣定太過控制。每次都系佢發我脾氣，唔理我，就算我咩都冇做過，佢自己攞個friend嚟串我，串完仲要嬲，真心唔知做乜9
最近聖誕節，平安夜嗰日同我講，佢要陪兄弟。 excuse me咁浪漫既大節去陪兄弟，仲要系第一個聖誕，我以為佢起碼會留翻少少時間比我，佢冇。甚至連一張聖誕卡或者禮物都冇。唸下唸下，發覺一齊兩個月都未試過出街，佢從來冇主動約過我，一直都系坐樓下公園食風，真系唔知做緊乜。於是嬲左嗰晚就刪左佢WeChat。
可能你地唔知我嬲既點系咩，佢覺得冇所謂系因為我地都一齊左，生活就唔洗咁有儀式。但系如果我唔依賴你，我可以自己約人出去，我可以唔需要儀式，我可以唔需要所有男人覺得多餘既野，我可以好懂事，咁你對我嚟講仲有咩價值？我一開始同你一齊系因為覺得你好好，好細心。我唸住我可以有個甜甜既戀愛，可以被寵成小朋友，但系我好似處於一個失去信心同主導權既關係入面咁，好卑微。
大家可唔可以俾d意見我？
如果你有心事，歡迎私信留言
珍惜緣份發洩完依然要做個理智男/女友啊關注下我啦~
閱讀更多 粵難粵愛I心事臺 的文章
