-我爱你，我等你-
我同你系机缘巧合之下认识
我地日日都倾电话同发送消息
我系一个好慢热慨人，唔系好容易相信人
都唔知点解我咁快就相信你，咩都愿意同你讲
我系一个好冇自信，容易胡思乱想慨人
成日都质疑自己，仲好容易喊
但系你会好努力咁引我笑
你最钟意搞食字gag，有时讲完你会自己笑到傻仔咁
老实讲我有时真系觉得好无聊，成日get唔到笑点
但系我觉得你笑慨时候好似个小朋友咁，好可爱
-
我地由朋友关系慢慢变得暧昧，大家都对对方有啲特别感觉
见到你一啲都几油腻慨甜言蜜语，我会望住部电话阴阴咀笑，笑足一晚
听到你讲第二个女人，我会有啲呷醋
出街个时你会借啲意想拖我手
但系会我因为怕丑而缩开，而你又会借啲意话手冻要拖住
走个时你会偷偷锡我额头一下然后跑走
见到啲好可爱慨小朋友或者狗仔，你会问我将来我地慨仔女同宠物叫咩名好
我虽然口讲痴线边个要同你结婚生仔
但心入面就冧到飞起，仲会有啲幻想添
-
有一日我地出街
我着咗件新买慨裇衫出黎，我问你靓唔靓
你就问系件衫太细定系我肥咗，点解会逼爆，我听完就有啲嬲嬲地
去到餐厅食饭，食食下觉得有啲热，我就好自然解开咗最高个粒钮
但系你就突然间好忟咁叫我扣返渠
仲除咗自己件外套帮我着仲拉埋链
我问你搞咩你又唔出声，净系嬲爆爆咁
食完饭我地照旧去散下步，你一直都唔出声
我就终于顶唔顺问你发生咩事
你就捉住我膊头，好认真咁讲
「你唔钟意你着呢件衫！
你知你自己身材都算几丰满架啦，你件衫系完全表露哂出黎！
你知唔知岩岩系餐厅有条麻甩佬系咁望住你个胸阿？
我唔要我女朋友比其他人睇蚀哂，你只可以系比我一个人睇！」
-
我第一次见你咁认真，但系谂一谂...女朋友？
“咪住，边个系你女朋友？”
“下，我系好general咁讲咋喎。你以我我讲紧你？？
你好恨做我女朋友咩？」
我个下面都红哂，但紧系话唔系啦
你知我怕吱，系咁吱我条腰，问我真系唔想咩，我就好痕系咁缩
缩紧下突然有啲软林林慨野系我个咀度
我地就第一次锡锡...咁就献咗个初吻比你
你揽住我同我讲
「我真系好钟意好钟意你，你做我女朋友好唔好，比我照顾你锡你爱你」
我终于等到你开口啦！开心到跳起话好
然后就揽住你锡，就咁样我地就正式一齐咗！
一个下我真系觉得好幸福，好想个时间永远静止
-
我地一齐慨时候都好
我为咗你开始学打机睇波
你为咗我开始睇师奶韩剧
你会帮我化妆，化到鬼五马六然后我地会一齐大笑
临训前你仲会唱「一生爱你一个」凼我训
间唔中当然有啲小争执，但我地都系锡一啖对方，撒下娇就好快冇事
你同我屋企人慨关系都好，渠地都好钟意你
我个时谂你会唔会系我第一个同最后一个男朋友呢
虽然我地都好后生，但如果可以慨话，我想我地永远系埋一齐
-
可惜一个月前，你突然同我讲分手，话同我慨感情淡咗
我唔明点解，一直都好地地，又冇嗌交，又冇异地，又冇第三者，点会突然淡咗？
我的确有时见到你同第二个女仔倾计
但系我自问唔系个啲极霸道慨女朋友，完全封杀所有我以外慨女性
一直问你点解要分手，你都冇答我
即使我喊到收唔到声，你都冇好似以前咁揽住我锡我，反而系令转身唔面对我
慢慢地，你唔听我电话，唔覆我消息，
有一日你仲删哂我地所有对话纪录
你知唔知我真系好受伤，你点解咁狠心
就算分手都唔可以留返啲美好回忆比我
其实所有你讲过慨野都印哂落我个心入面，点抹都抹唔走
两年慨感情，唔系咁容易放低
我真系好痛好痛，每日都谂住你，挂住你，爱你
分咗手一个月，我仲系好痛
不过我用唔同电话打比你，听到电话入面把声系你，知你安全我就放心同满足
每次我都忍住眼泪
好想开口同你讲我有几挂住你但系都做唔到，只可以剪线然后大喊
-
究竟你系咩原因要同我分手？
系我唔够好？系你识咗第二个？
定系你分手前消失咗个几日，我搵极都搵唔到你
你系咪瞒住我去打仗然后有咩事冇同我讲？
你唔想我担心而同我分手？
如果系因为呢个原因，你真系好傻同好自私
我想你知道，无论发生咩事，我都会同你一齐拖住手面对
我唔会放弃你，你凭咩丢低我！
不过如果系识咗第二个都唔紧要，我会祝福你
-
求下你，同我讲，几时都得
我真系好爱你好爱你
我知你都系一样
我地重新制造过一啲更甜蜜慨回忆好唔好...
如果你有心事，欢迎私信，留言珍惜缘份发泄完依然要做个理智男/女友啊
閱讀更多 粵難粵愛I心事臺 的文章
