按現時的物價水平，100元在廣州可以做到些什麼？
喝一頓早茶？買一件衣服？唱一次K？還是約上兩三知己吃一頓豪華大餐？
… … … …
其實善於發掘，100元也可以在廣州做很多事情，譬如說：
接下來我們會以每條路來劃分，用100元吃足一天！
「東 川 路」
喺市區東部，路南段一帶稱為川攏口，故名東川路，1958年擴建而成；短短一條東川路，百年來創造出無數歷史，例如雲香酒樓、東川酒家、東川路小學、東川名店運動城等。
張敬軒講過，“如果你喺東川路見到一個著住短褲踢住人字拖，拿住支汽水周街飲噶人，果個就喺張敬軒。”
張敬軒細個就喺呢附近生活，連以前歌迷會選址都喺東川路，距究竟有幾愛東川路？
以前行街買鞋都唔會去天河，以前淘寶、代購仲未興起，更唔會話去香港買。2000年噶時候，東川名店運動城喺廣州第一個運動用品城，就算首次進駐廣州噶世界級體育品牌都喺呢度。
每逢有新款都會來即刻來東川路，就算唔買，睇下都過癮。直到依家自己有能力買噶時候，都無咗以前噶感覺了，東川路名店運動城，應該喺以前80.90最潮最in噶集中地。
據我所知，廣州第一個街波場應該喺東川路，好多高手都喺度流下唔少汗水，可惜以前年紀太細，未到我留低腳毛就已經變成停車場了。
曾經十分繁華的東川路，好多人來買鞋和運動用品，特別節假日，必定“人頭擁擁”，但喺依家進過呢d曾經必逛噶店鋪卻喺大門緊閉，顯得十分蕭條。
創於114年前噶雲香酒樓，曾經喺廣州最老噶四家茶樓之一，另外三家分別喺榮華樓、陶陶居、蓮香樓都位於西關。
“西有蓮香，東有云香”
雲香樓噶雲龍香鳳月餅都曾媲美城西噶蓮香樓月餅。可惜，依家連之前僅剩賣餅噶“齒留香”都唔開門了。
開咗多年噶強記雞粥都喺東川路噶經典，記得以前去完買鞋都會來呢度“醫肚”，不過都喺避唔過關門大吉。
- 1 -
穗銀腸粉店
對於老廣，腸粉店就好似每條路噶“標配”，總有一間喺附近。穗銀喺附近好多街坊噶“飯堂”，據傳穗銀前身是銀記的分店，後來分家之後更名，雖然無法求證，但口碑而言，貌似穗銀略微好D。特別系強記雞粥結業後，穗銀更是成日都高朋滿座，反正買咗腸粉，有位就坐。雖然做拉腸噶地方系開放式，但坐低唔覺得焗，空調夠！
一份牛肉腸12蚊，分量十足。腸粉韌性唔錯，薄厚適中，而且牛肉唔會太大塊，一夾就可以夾到腸粉同牛肉喺最完美。
韭黃牛肉拉腸 12元
地址： 東川路94號之一(近東川新街市)
- 2 -
老班長手工灌湯包
喺我印象中，食過未裝修噶老班長，但喺都喺細個噶事啦，以前喺咩味都已經唔記得，所以今日當第一次食咯。
廚房全透明玻璃，可以睇到灌湯包喺即點即蒸，大概十分鐘左右，如果以一箇中午飯來講，個人覺得都幾貴。但如果只是吃包，還是屬於可接受範圍，真正人均高的是涼菜，5、6款涼菜埋單就近百了……
新鮮出爐噶灌湯包，可以見到每一個都有灌湯，所以，記得先攤一攤，唔好心急，用匙羹接住湯汁來食，因為入面d湯真喺超級熱！味道的確唔錯，皮薄肉嫩，一個人食曬都幾飽肚。
招牌一號灌湯包 28元
地址： 東川路92號東川酒家二樓
- 3 -
達強燉品
最近春困，又溼熱，梗喺要整碗燉湯先啦，細細間鋪頭又幾多選擇，除咗燉湯多品種之餘，仲有缽仔飯，門口有個推車做埋早餐，有豬腸粉、瀨粉、粽、粥等等噶廣式早餐。
菜膽海底椰燉豬肺，清熱潤肺。湯料就唔喺好多啦，豬肺瘦肉一兩塊，海底椰就得薄薄一兩片，當飲多啖湯咯。
菜膽海底椰燉豬肺 15元
地址： 東川路78地下
- 4 -
仁信雙皮奶
好多外省噶朋友除咗知道廣東人美食喺白切雞之外，其次就喺雙皮奶，食雙皮奶廣州比較出品的連鎖品牌就是「仁信」。做一碗好噶雙皮奶，要喺時間上把握得好準確，其次就喺“雙皮”噶工藝。
近兩年好流行桃膠呢種食物，喺菜單上見到桃膠雙皮奶，連仁信都要緊貼潮流，其實就係雙皮奶上面淋上桃膠...
味道都幾夾噶，因為桃膠噶口感有d似啫喱，而且唔會太甜，對於中意食雙皮奶但喺又覺得雙皮奶好甜噶我來講，幫我中和咗雙皮奶噶甜度。
桃膠雙皮奶 18元
地址： 東川路83號(近中華廣場)
- 5 -
廣九餐室
一家以廣九鐵路為背景噶餐廳，價格親民之外，出咗名喺抵食夾大件。東川路一頭一尾都有一間，但喺每逢食飯時間，兩間都要排隊。我總喺覺得一份嘢可以兩個人食，特別喺距噶雜扒飯...仲有我最中意飲噶喺200%阿華田，夠重口！
下午茶時間特別抵，十幾二十幾就有嘢飲有嘢食，而且真喺超大件阿！
檸檬茶就唔少得嘎啦，坐我對面個阿叔同檸檬有仇咁，不斷督d檸檬，仲要好大聲，睇來都喺同我一樣要唔將檸檬督爛都唔罷休噶“同道中人”。
茶底夠濃，檸檬夠多，我將檸檬味完全“釋放”出來後，成杯都夠澀！
唔使我講，呢個牛角包真喺夠料，蛋夠厚，我一個人都食唔曬一個，我喺度懷疑呢個喺午餐唔系一個下午茶...可惜，如果蛋落d鹽就好了，唔夠味阿！
炒蛋午餐肉牛角包+檸檬茶 26元
地址： 中山三路11號一樓海印自由閒名店城F102鋪
賬單
韭黃牛肉拉腸 | 12 元 |
灌湯包 | 28 元 |
菜膽海底椰燉豬肺 | 15 元 |
桃膠雙皮奶 | 18 元 |
炒蛋午餐肉牛角包 檸檬茶 | 26 元 |
總 共：99 元 |
睇到東川路噶現狀，腦海裡霖起一首歌：
“這地方記得起所有興衰
故居新居也可安居就是為著安睡
送走光陰拆不走的光影優雅老去...”
依家去翻東川路市場，都已經無咗好多熟悉噶檔口同味道，不過東川酒家依然屹立不倒。東川路可以話見證咗好多鋪頭興衰，由鞋城、雲香樓、同強記噶消失，關咗噶鋪頭亦都無新血進駐。街巷裡的小鋪，可能有，但無地膽，我們也無從尋覓，如今的東川路，可能吃得最多的只是麥當勞……
這算是，東川路的黃昏嗎？
你們不妨說出你們，熟悉的街道，喜歡的美食
讓我們幫你實現一下~
閱讀更多 吃貨走食日記 的文章
