今晚是藍潔瑛追思彌撒的日子，馬坑村良馬樓互助委員會主席古馮友今午接受傳媒訪問，憶述藍生前點滴。他說藍剛搬到良馬樓時，仍歷歷在目︰「初時搬嚟，你唔死我死，渠嘈到不得了，唔知點解渠成日要擔口煙，煙不離手，上車又嗌，返嚟又嗌，嗰時個個都好討厭渠，我哋叫房署搵社工跟，跟極都系咁。」
古主席又指，藍潔瑛約2013年加入教會時，仍未有改變，「渠入咗教系靜咗一輪，之後又系咁。」幸好近年情況有所改變︰「冇咗個肚返嚟之後，系呢兩年，（佢個肚系乜事？）應該系子宮生瘤，當時我哋成班街坊傾，大肚呀！大得好緊要，連坐圍都大，仲講笑系咪擴張咗盤骨？之後唔見咗渠幾個月，返出嚟系另一個人。」
古主席表示，大約兩年前，藍潔瑛「唔見咗個肚」之後，整個人唔同曬，「返嚟冇嘈啦，鄰居對渠改變咗，起碼睇電視、細路讀書補習都唔使嘈，朝頭早唔使嗌你起身，渠改變曬。大家對渠比起以前全部改觀。」
「時間過咗去，其實渠痛苦冇人知，我慨感受系，渠由以前幾風光跌到落地下，繫好淒涼慨事，所以渠改變咗，喺我哋條村繫有福，起碼唔使嘈，好少擔住口煙嚟行，（佢冇再食煙？）唔知渠喺屋企有冇，但冇擔住嚟食，我覺得渠繫好咗，走咗系可惜，但可以講系解脫咗，呢個系痛苦。」
古先生又稱，有不少人想利用藍潔瑛：「之前有個知名作家，想利用渠嚟寫作。嗰時渠（藍）仲嗌緊嗰段時候。我哋叫保安攔截咗，唔俾佢（作家）上去，渠不斷打電話嚟，要求搵佢（藍）落嚟聽電話，又拎手提俾佢聽，我哋話唔可以。」
談及藍潔瑛最後生活點滴，古先生說常見街坊為藍預備食物，又謂︰「渠都有整蛋糕俾人食，（好番之後？）以前都有，人哋幫渠，攔住啲人騷擾渠，渠自己親手整蛋糕多謝番人，常有教友、影迷搵佢，長期煲飯、煲湯俾佢，渠真系不枉此生。」
分享到:
閱讀更多 東東榮榮 的文章
