- 你有無鐘意過我？ -
我地高三聖誕開始一齊，放榜後大家都有唔同發展
我去咗讀書，而你開始咗打工仔既生活
-
第二年，你已經工作咗一年
我亦仲有一年課程就完
你提出搬出嚟一齊住
你話你會照顧我，所以我地開始咗同居生活
同時都發生咗關係。點知我有咗
你話未系時候，而且BB 得一個月大
咁你就帶咗我去墮胎
-
到第三年，我畢咗業都開始工作
而你被上司欣賞，升咗做經理
系你同我分享呢個喜悅時
我都想同你講我有咗兩個月，諗住系雙喜臨門
點知講完，你話你仲未有心理準備，想存多年錢
等下年結咗婚先生BB，之後你又帶我去同一個地方墮胎
-
墮胎後我一直都覺得渠地兩個每日都系我身邊出現
特別系夜晚
好多時候我都怕嘈醒你，會偷偷躲入廁所喊
你發現我喊，之後你會安慰我，話已經過去
將來會更好，答應永遠在我身邊
-
到第四年，我地完結咗五年既長跑
我地終於結咗婚，有自己既家
好好彩你媽都好鐘意我
後來時間長咗，有時傾計你媽都會暗示想抱孫，我都覺得系時候
而且我自己都幾鐘意小朋友
大概年半左右，我都無任何動靜
所以你媽心急，就帶我去睇醫生
睇下有無方法可以增加懷孕機率
然後醫生檢查過後，我心有膽怯，怕你媽知道過去
醫生睇到我眼神又好似明白我咁
就叫咗你媽出去等，話幫我再做一個詳細檢查
-
坦白同醫生講，我曾經墮胎兩次
事後月經唔準同長期覺得經痛
醫生話我子宮可能刮傷咗，而且墮胎兩次好大可能不孕
就算有咗都好容易流產
我無話俾你媽知，我只系講咗一句大話
醫生話我身體好好，可能緣分未到姐
但我心入面知道緣分已經錯過咗
-
翻到屋企，我一個人系咁喊
我感覺到渠地兩個陪住我，我都知當初我係唔啱
我好後悔，可惜太遲…
我將不孕既事話咗俾你知，你一開始有啲發呆
後來攬住我安慰我，話無所謂
你話你愛我既心唔會因為任何事情而動搖
-
結婚第二年，我有咗，我覺得繫上天俾機會我，所以我好小心
你媽知道後你搬埋入嚟一齊住話要照顧
到懷孕第四個月，你媽落街買餸
然後我去廚房斟水飲，我唔小心線咗落地，成地血我好驚
我即刻打俾你，打咗俾你三次，你都系CUT 我線
咁啱你媽翻嚟見到，打120 送我去醫院
醫生話BB 無咗，你媽好嬲
而你都無出現過
-
我一個人系醫院過夜，之後出院我都自己一個翻屋企
我呢世都記得你第一句同我講既說話
「你自己知自己事，而家乜都無啦！」
然後你提出分開下大家都需要冷靜，我無出聲
我翻咗去自己屋企
-
第二日，我去到我媽墳前講
我以為你係我第一個愛既人
亦會系永遠陪我走落去既人，系我人生中唯一的人
我無諗過七年就咁完結
我跪咗系地上面不停喊，我覺得好無助
事隔一星期後，你wechat我提出離婚
我只回了一句「哦。」，然後我地從此就脫離咗關係
-
大半年後，我係街上見到你同另一個女人一齊拖住對孖仔
對孖仔一望肯定有一歲至歲半
如果咁推斷，我未有BB 之前你咪已經…？ ！
之後你注意到我望緊你
然後你無再望我，亦好快上咗的士
我唔知道發生咗乜事，但我可以話你知：
「我還愛著你，我願意祝福你地。」
-
最後，你可以答我一個問題嗎？
「你有無曾經愛過我？就算一秒都好，有無？」
閱讀更多 粵難粵愛I心事臺 的文章
