交代翻小小背景先，我同男朋友識左幾日就一齊左，依家一齊左半年，但一直都冇對外公開，最多隻系我係朋友圈私人分組發幾張相，佢就影都冇影過我。我地未一齊之前我已經冇拍拖一年幾，而佢同個ex分手一個禮拜就同左我一齊，佢同ex分手原因系因為佢周圍撩女。但我個陣真系冇諗太多，完全冇理佢仲對個ex有冇嘢，只系覺得我地兩個好巖嘴形，互相又有好感就一齊左。而且個陣佢話好想做個啲嘢，我心軟就比左個處佢。
直接入正題，我有時屎忽痕會趁佢唔為意Check佢電話，頭四個月每個月都會偷check一次。但我每一次都會發現佢周圍搵女傾計，內容大概都系你做緊咩呀、我好悶呀、好掛住你、出唔出街之類既撩女說話。雖然我每一次都會嬲到講分手，但比佢氹兩下，我又心軟原諒佢。
佢除左周圍撩女，仲試過偷偷地約ex出街。頭三個月仲會不斷搵個ex傾計，因為我之前有佢微信，所以我知道佢個ex啲朋友同佢講，叫佢唔好再煩住個ex，話咩睇唔出你有幾愛佢，愛佢就唔會去搵女搞到分手，依家又煩住佢唔比佢有新仔之類。我個陣覺得佢只系當我免費雞，個心仲有個ex，所以同佢講分手。點知佢就拎幾把菜刀嚟威脅我，話要出街斬人。我驚佢真系會咁做，就原諒佢多次。
去到第四個月，我又手痕睇佢電話，又發現一堆撩女紀錄。之後又嘈到分手，但又原諒左佢。個陣我話我已經比左好多次機會佢，今次系最後一次，如果再有下次我真系分手。
依家到第六個月，我已經冇再check佢手機。因為佢應承過我再有下次就任由我處置，我都想相信佢多次。亦都想比翻啲私人空間佢，而且佢話check電話好冇私隱，但我就覺得你行得正企得正，怕咩比人check。
依家因為冇check佢電話，我唔知佢仲有冇搵女，但就疑心病重，成日覺得佢有搵，成個人好冇安全感。仲成日為左呢件事而嘈交，佢同我講佢真系已經冇再搵，但有過咁多次前科，又唔分開我地既關係，搞到我好冇安全感，我冇辦法100%相信佢。但同時我又好愛佢，佢系我拍過最耐既男朋友，又比左個處佢，我好依賴佢，根本唔捨得分手。
我到底應唔應該再信佢？
如果你有心事，歡迎私信留言
珍惜緣份發洩完依然要做個理智男/女友啊
關注下我啦~
更多心事：
閱讀更多 粵難粵愛I心事臺 的文章
