-我愛你，我等你-
我同你係機緣巧合之下認識
我地日日都傾電話同發送消息
我係一個好慢熱慨人，唔繫好容易相信人
都唔知點解我咁快就相信你，咩都願意同你講
我係一個好冇自信，容易胡思亂想慨人
成日都質疑自己，仲好容易喊
但系你會好努力咁引我笑
你最鐘意搞食字gag，有時講完你會自己笑到傻仔咁
老實講我有時真系覺得好無聊，成日get唔到笑點
但系我覺得你笑慨時候好似個小朋友咁，好可愛
-
我地由朋友關係慢慢變得曖昧，大家都對對方有啲特別感覺
見到你一啲都幾油膩慨甜言蜜語，我會望住部電話陰陰咀笑，笑足一晚
聽到你講第二個女人，我會有啲呷醋
出街個時你會借啲意想拖我手
但系會我因為怕醜而縮開，而你又會借啲意話手凍要拖住
走個時你會偷偷錫我額頭一下然後跑走
見到啲好可愛慨小朋友或者狗仔，你會問我將來我地慨仔女同寵物叫咩名好
我雖然口講痴線邊個要同你結婚生仔
但心入面就冧到飛起，仲會有啲幻想添
-
有一日我地出街
我著咗件新買慨裇衫出黎，我問你靚唔靚
你就問系件衫太細定系我肥咗，點解會逼爆，我聽完就有啲嬲嬲地
去到餐廳食飯，食食下覺得有啲熱，我就好自然解開咗最高個粒鈕
但系你就突然間好忟咁叫我扣返渠
仲除咗自己件外套幫我著仲拉埋鏈
我問你搞咩你又唔出聲，淨系嬲爆爆咁
食完飯我地照舊去散下步，你一直都唔出聲
我就終於頂唔順問你發生咩事
你就捉住我膊頭，好認真咁講
「你唔鐘意你著呢件衫！
你知你自己身材都算幾豐滿架啦，你件衫系完全表露哂出黎！
你知唔知巖巖系餐廳有條麻甩佬系咁望住你個胸阿？
我唔要我女朋友比其他人睇蝕哂，你只可以系比我一個人睇！」
-
我第一次見你咁認真，但系諗一諗...女朋友？
“咪住，邊個系你女朋友？”
“下，我係好general咁講咋喎。你以我我講緊你？？
你好恨做我女朋友咩？」
我個下面都紅哂，但緊繫話唔系啦
你知我怕吱，系咁吱我條腰，問我真系唔想咩，我就好痕系咁縮
縮緊下突然有啲軟林林慨野系我個咀度
我地就第一次錫錫...咁就獻咗個初吻比你
你攬住我同我講
「我真繫好鐘意好鐘意你，你做我女朋友好唔好，比我照顧你錫你愛你」
我終於等到你開口啦！開心到跳起話好
然後就攬住你錫，就咁樣我地就正式一齊咗！
一個下我真系覺得好幸福，好想個時間永遠靜止
-
我地一齊慨時候都好
我為咗你開始學打機睇波
你為咗我開始睇師奶韓劇
你會幫我化妝，化到鬼五馬六然後我地會一齊大笑
臨訓前你仲會唱「一生愛你一個」凼我訓
間唔中當然有啲小爭執，但我地都系錫一啖對方，撒下嬌就好快冇事
你同我屋企人慨關係都好，渠地都好鐘意你
我個時諗你會唔會系我第一個同最後一個男朋友呢
雖然我地都好後生，但如果可以慨話，我想我地永遠系埋一齊
-
可惜一個月前，你突然同我講分手，話同我慨感情淡咗
我唔明點解，一直都好地地，又冇嗌交，又冇異地，又冇第三者，點會突然淡咗？
我的確有時見到你同第二個女仔傾計
但系我自問唔繫個啲極霸道慨女朋友，完全封殺所有我以外慨女性
一直問你點解要分手，你都冇答我
即使我喊到收唔到聲，你都冇好似以前咁攬住我錫我，反而系令轉身唔面對我
慢慢地，你唔聽我電話，唔覆我消息，
有一日你仲刪哂我地所有對話紀錄
你知唔知我真繫好受傷，你點解咁狠心
就算分手都唔可以留返啲美好回憶比我
其實所有你講過慨野都印哂落我個心入面，點抹都抹唔走
兩年慨感情，唔系咁容易放低
我真繫好痛好痛，每日都諗住你，掛住你，愛你
分咗手一個月，我仲繫好痛
不過我用唔同電話打比你，聽到電話入面把聲系你，知你安全我就放心同滿足
每次我都忍住眼淚
好想開口同你講我有幾掛住你但系都做唔到，只可以剪線然後大喊
-
究竟你係咩原因要同我分手？
系我唔夠好？系你識咗第二個？
定系你分手前消失咗個幾日，我搵極都搵唔到你
你係咪瞞住我去打仗然後有咩事冇同我講？
你唔想我擔心而同我分手？
如果系因為呢個原因，你真繫好傻同好自私
我想你知道，無論發生咩事，我都會同你一齊拖住手面對
我唔會放棄你，你憑咩丟低我！
不過如果系識咗第二個都唔緊要，我會祝福你
-
求下你，同我講，幾時都得
我真繫好愛你好愛你
我知你都系一樣
我地重新制造過一啲更甜蜜慨回憶好唔好...
如果你有心事，歡迎私信，留言珍惜緣份發洩完依然要做個理智男/女友啊
閱讀更多 粵難粵愛I心事臺 的文章
